Iniciativa per Catalunya Verds

Na Galipedia, a Wikipedia en galego.
Iniciativa per Catalunya Verds (ICV)
Partido político de Cataluña
Líder Joan Saura
(Presidente)
Joan Herrera
(Secretario Xeral)
Fundación 22 de febreiro de 1987
Sede C/ Ciutat, 7
08002 Barcelona
Ideoloxía Ecosocialismo, progresismo, republicanismo, catalanismo, independentismo, federalismo, feminismo e comunismo
Representación 8 deputados (de 135) no Parlamento de Cataluña
Filiación internacional Partido Verde Europeo
Páxina web www.iniciativa.cat

Iniciativa per Catalunya Verds (ICV) é un partido político ecosocialista catalán que ten a súa orixe en Iniciativa per Catalunya (IC), unha federación de partidos formada en 1987 polo Partit Socialista Unificat de Catalunya, Entesa dels Nacionalistes d'Esquerra e o Partit dels Comunistes de Catalunya que incorporou personalidades independentes procedentes dos movementos sociais e que pretendía reorganizar o antigo espazo comunista catalán e abrirse ós novos movementos sociais, mantiña acordos electorais e parlamentarios con Izquierda Unida. O seu primeiro dirixente foi Rafael Ribó que procedía do partido maioritario, o PSUC.

Preséntase desde 2003 xunto con Esquerra Unida i Alternativa ás eleccións ao Parlamento de Cataluña (ICV-EUiA).

Características[editar | editar a fonte]

O discurso da coalición, afastado do comunismo clásico provocou tensións no seu interior e en 1989 o PCC deixou IC, entrementres o PSUC e ENE van cedendo progresivamente a súa soberanía a IC converténdose de feito nun partido político.

En 1995 IC formou con Els Verds (Confederació Ecologista de Catalunya) e o PCC a coalición Iniciativa per Catalunya-Els Verds (IC-V). En 1997 o PCC abandonou a coalición e xunto un sector do PSUC oposto á súa disolución escindido, o PSUC-viu, formou Esquerra Unida i Alternativa que se vinculou a Izquierda Unida, o que provocou que IC dera por finalizados os acordos que mantiña con IU.

Dirixido por Joan Saura, no ano 2002 xa como partido político pasou a denominarse Iniciativa per Cataluña Verds. No 2004 incorporouse a ICV Els Verds-Esquerra Ecologista.

ICV participa no actual goberno catalán, conta con 8 deputados no Parlamento de Cataluña e ten representación no Congreso dos Deputados, no Senado e no Parlamento Europeo, 20 alcaldes e 400 concelleiros foron elixidos nas listas de ICV.

Véxase tamén[editar | editar a fonte]

Ligazóns externas[editar | editar a fonte]