Ilmari Salminen

Na Galipedia, a Wikipedia en galego.
Cadro de medallas
Atletismo masculino
Xogos Olímpicos
Ouro Berlín 1936 10.000 m
Campionato de Europa de Atletismo
Ouro Turín 1934 10.000 m
Ouro París 1938 10.000 m
Bronce Turín 1934 5.000 m

Ilmari Salminen, nado en Elimäki o 21 de setembro de 1902 e finado en Kouvola o 5 de xaneiro de 1986, foi un atleta finlandés, campión dos 10.000 m nos Xogos Olímpicos de Berlín de 1936 e un dos maiores fondistas dos anos 30, integrante do grupo de grandes corredores coñecido como Finlandeses Voadores.

Traxectoria[editar | editar a fonte]

Despois de correr longas distancias apenas en Finlandia, Imari comezou a súa carreira internacional xa con máis de trinta anos, vencendo nos 10.000 m e conseguindo o bronce nos 5.000 m do primeiro Campionato de Europa de Atletismo, disputado en Turín, Italia, en 1934. Con este resultado, converteuse nun dos principais favoritos para os Xogos de Berlín en 1936.

En Berlín comezou a súa participación conseguindo un sexto lugar nos 5.000 m. O día seguinte, na disputa dos 10.000 contra outros finlandeses como Volmari Iso-Hollo, bi-campión olímpico dos 3.000 m valados, Salminem gañaría a proba e a medalla de ouro por apenas 0,2 s de vantaxe para o segundo clasificado.

O ano seguinte, Salminem bateu o record mundial dos 10.000 m marcando 30m 05s para a distancia e da proba non-olímpica de seis millas. Rematou a súa carreira en 1939 após de conquistar no ano anterior o bi-campionato dos 10.000 m no Campionato Europeo de Atletismo.