Illas Treasury

Treasury Islands
Localización das Illas do Tesouro (Treasury Islands)
Situación
País	Illas Salomón
Provincia	Occidental
Mar	Océano Pacífico
Coordenadas	7°23′15″S 155°33′30″L
Demografía
Capital	Mono
Densidade	hab/km² hab./km²

As Illas do Tesouro (Treasury Islands) son un pequeno grupo de illas a poucos quilómetros ao sur de Bougainville e a 24 quilómetros das Illas Shortland. Forman parte da Provincia Occidental das Illas Salomón. As dúas illas máis grandes das Illas do Tesouro son a Illa Mono e a máis pequena Illa Stirling. O estreito de augas profundas entre estas dúas illas chámase Blanche Harbor.

Estas illas foron descubertas en 1788 polo oficial británico da Royal Navy o tenente John Shortland.

Durante a segunda guerra mundial as illas caeron en mans do Xapón ata o 25 - 27 de outubro de 1943, cando as illas foron invadidas mediante un asalto anfibio por unidades de Nova Zelandia. Logo da invasión, foi construída unha pista de aterraxe na máis plana illa de Stirling pola USN. Este campo de aviación foi utilizado para apoiar unha campaña para neutralizar o poder aéreo xaponés en Rabaul. O aeródromo de Stirling atópase aínda en uso hoxe en día servido polas Solomons Airlines.

Véxase tamén

Ligazóns externas

• The Treasury Islands Campaign
• Stirling Island