Illas Columbretes

Na Galipedia, a Wikipedia en galego.
Illas Columbretes.
Mapa do arquipélago.

As illas Columbretes son un conxunto de catro grupos de illas volcánicas que sumadas posúen 0,19 km², situadas a 30 millas (48,2 km) ao leste do Cabo de Oropesa, integradas no termo municipal de Castelló de la Plana, na provincia de Castelló (España).

Os grupos de illas son: a Illa Grossa (en castelán: Columbrete Grande), La Ferrera, La Foradada (La Horadada) e El Carallot (El Bergantín). Ademais, existen no arquipélago numerosos escollos e baixos.

Historia[editar | editar a fonte]

O nome das illas vén dos primeiros navegantes gregos e romanos que as incluíron nas súas cartas de navegación. Inicialmente déuselles o nome de Ophiusa ou Colubraria, debido ás moitas serpes que alí se atopaban. Durante séculos, foron morada e refuxio de piratas e contrabandistas.

No século XIX incendiouse a illa Columbrete Grande para acabar coas serpes, e instalouse un faro que mantivo unha poboación de fareiros ata 1975, ano no que o faro se automatizou. Desde entón, as illas están habitadas tan só por persoal pertencente aos servizos de vixilancia establecidos pola Generalitat Valenciana en 1987.

Xeografía[editar | editar a fonte]

Están asentadas sobre fondos de 80 metros de profundidade e alcanzan unha cobertura de tres millas mariñas, representando un dos pequenos arquipélagos con maior interese ecolóxico do mar Mediterráneo.

A illa de maior tamaño, coñecida como a "Columbrete Grande" ou "L'illa Grossa", ten un perfil en forma de arco aberto, característico dunha gran actividade volcánica submarina. O Carallot, cos seus 32 metros de altura, representa os restos da cheminea central dun volcán.

Ata que foron protexidas, constituían un campo de tiro da aviación e da mariña, feito que produciu a deterioración de moitos dos escollos que as forman. A isto uníronse as visitas incontroladas e a pesca furtiva.

Ao mesmo tempo as Illas Columbretes constitúen un destino de primeira orde para os afeccionados ao submarinismo de todo o mundo, debido á transparencia das súas augas, á beleza dos seus fondos e á gran variedade e cantidade de especies animais e vexetais que albergan.

Grupo de illas[editar | editar a fonte]

Grupo de
Illa Grossa (14,30 ha)
Grup de l'Illa Grossa
Grupo de
Ferrera (1,95 ha)
Grupo da Ferrera
Grupo de
Foradada (2,21 ha)
Grupo da Foradada
Grupo do
Carallot (0,49 ha)
Grupo de Carallot
  • Columbret Gran (Illa Grossa) (13,33 ha)
  • Trenca Timons (40 m²)
  • Mancolibre (0,56 ha)
  • Senyoreta (0,14 ha)
  • Mascarat (0,27 ha)
  • La Ferrera (Malaspina) (1,53 ha)
  • Espinosa (0,03 ha)
  • Bauzà (0,25 ha)
  • Valdés (0,04 ha)
  • Navarrete (0,10 ha)
  • Laja Navarrete (50 m²)
  • El Ciscar
  • El Fidalgo
  • La Foradada (1,63 ha)
  • Lobo (Foradadeta) (0,47 ha)
  • Méndez Núñez (0,11 ha)
  • Pedra Joaquín (20 m²)
  • Jorge Juan
  • El Carallot (Galiano) (0,414 ha)
  • Cerquero (0,03 ha)
  • Xurruca (0,04 ha)
  • Baleato (0,01 ha)
  • Ulloa
  • Patiño
  • Luyando
  • Mendoza
  • Díaz

Reserva natural[editar | editar a fonte]

Na actualidade o arquipélago é parte dun parque natural que acolle algunhas especies en perigo de extinción, como o falcón de Eleonor e a gaivota de Audouin (ou gaivota corsa) e os seus fondos son unha Reserva de Pesca de gran importancia que contribúe á rexeneración de numerosas especies pesqueiras da zona, como a lagosta.

O parque natural das Illas Columbretes ten unha extensión emerxida de 19 ha e mergullada de 4.000 ha. A situación xeográfica é 39º55'N,0º40'E.

Vista panorámica da badia de Illa Grossa, a máis grande de Columbretes, illotes de Mancolibre (esquerda) e Mascarat (dereita) ao fondo.

Véxase tamén[editar | editar a fonte]

Ligazóns externas[editar | editar a fonte]