Illa de Flores, Indonesia

Na Galipedia, a Wikipedia en galego.
Illa de Flores
Vista da illa
Flores Topography.png
Datos
Capital Maumere
País Indonesia
Localización Océano Pacífico
Arquipélago Illas da Sonda
Linguas
Poboación (2003) 1.600.000 hab.
Superficie 13.540 km²
Densidade
Coordenadas 8°37′S 121°08′E / 8.617°S 121.133°E / -8.617; 121.133
Maior Altura 2.370 m. Poco Mandasawu
Localización
Localización da illa
Kelimutu, Flores
Vila de Bena, en Flores

A Illa de Flores é unha das illas menores da Sonda, un arquipélago que se estende deste a oeste desde a illa de Xava en Indonesia. Atópase ao leste de Sumbawa e Komodo e ao oeste de Lomblen e do arquipélago de Alor. Ao sueste atópase Timor. Ao sur, máis aló do estreito de Sumba, está Sumba e ao norte, máis aló do Mar de Flores, Célebes.

Administración[editar | editar a fonte]

A Illa de Flores é parte da provincia de East Nusa Tenggara. Divídese en cinco distritos coñecidos como "rexencias"; deste a oeste son Manggarai, Ngada, Ende, Sikka e Flores Timur.

Flora e fauna[editar | editar a fonte]

A costa oeste da Illa de Flores é un dos poucos lugares, xunto coa illa de Komodo, onde se pode atopar o Dragón de Komodo en estado natural. Antigamente, este gran lagarto alimentábase de elefantes ananos do xénero Stegodon e ratas xigantes que se extinguiron pouco logo da chegada do home á illa. Este introduciu búfalos, cervos, xabaril e monos que se asilvestraron e son cazados polos dragones de Komodo. Abundan tamén as aves, os morcegos, as serpes e os anfibios.

En setembro de 2003 atopouse unha especie de homínido na cova de Liang Bua ao oeste da illa. Desde entón coñeceuse o achado como ¨"Home de Flores" (Homo floresiensis). Parece ser unha versión menor de Homo erectus de ao redor de 100-110 cm de estatura. Parece ser que existiu ata fai uns 18.000 anos ou ata menos.

Cultura[editar | editar a fonte]

A illa é principalmente católica, e isto constitúe o resto máis importante da colonización portuguesa.

As linguas faladas en Flores pertencen ao subgrupo chamado "bima-sumba" da póla malaio-polynesia das linguas austronesianas.

Nos distritos de Ngada et Ende no centro da illa, atópase a cadea dialectal de Flores Centro. Nesta zona, existen unhas lixeiras variacións linguísticas dunha vila a outra. En total identifícanse seis linguas diferentes. Do oeste cara o este son o ngadha ou ngada, o naxe, o keo, o ende, o lio et o palu'e que se fala na illa do mesmo nome ao norte de Flores. Pódese tamén engadi-lo so'a et o bajawa, mais os antropólogos considéranos ngada.

Xeoloxía[editar | editar a fonte]

Dende o punto de vista da xeodinámica, esta illa, bordeada ao norte pola conca de Flores et, ao Sur, pola conca de Savu, é volcanicamente activa con polo menos 13 volcáns en funcionamento. Por isto é unha zona onde se rexistra unha forte actividade sísmica, por exemplo co sismo do 12 decembro de 1992 de magnitude 7,5.

A análise estratigráfica e magmática (xeocronoloxía e xeoquímica) demostra que Florès é unha illa « nova », aparecendo probablemente no oligoceno superior mais seguramente no mioceno mediano.

Turismo[editar | editar a fonte]

A principal atracción turística en Flores é o Kelimutu: son tres lagoas de vivas cores do distrito de Ende. As súas cores modifícanse dun xeito regular. As derradeiras cores, en 2003, eran respectivamente turquesa, verde et bermello mais despois este lago pasou a ser de cor preta.

Deporte[editar | editar a fonte]

A illa de Flores solicitou a participación con delegación propia nos vindeiros Xogos da Lusofonía que terán lugar en Lisboa no ano 2009.