Illa de Colom

Na Galipedia, a Wikipedia en galego.
(Redirixido desde "Illa de Colón")
Illa d'en Colom, Menorca

A Illa de Colom (en catalán: Illa d'en Colom) é un illote de 58 Ha, separado uns 200 metros da costa nordeste da illa de Menorca, nas Illas Baleares. Antigamente utilizouse como lazareto. Unha parte utilizouse para o cultivo; tamén se intentou a explotación dunha mina de chumbo.

É propiedade da familia Roca (natural de Maó) desde 1904 cando Don Antonio Roca e Várez adquiriuna nunha poxa. Na actualidade (2005) forma parte do Parque Natural de s'Albufera deas Grau.


Flora e fauna[editar | editar a fonte]

Tamarindos da Illa de'n Colom.

A vexetación está formada pola comunidade de Launaea cervicornis, especie que forma pequenos coxinetes espiñentos. Entre as plantas máis interesantes destaca o arbusto endémico Daphne rodriguezii que abunda no illote.

O tamarindo (Tamarix africana) é outra planta bastante característica da illa. Trátase dunha especie de arbusto de orixe africana situado na Praia dos Tamarindos á que dá nome. Cada arbusto pode chegar a adquirir unha altura de 6 metros e un diámetro de 1´3 metros, e en xeral teñen máis de 100 anos de antigüidade. A distribución inicial destes arbustos parece que seguia a de dúas fileiras, pero esta característica foi desaparecendo cos anos e a alteración natural das dunas.

En canto á fauna, a illa de Colón conta con numerosas aves mariñas. Destacan o corvo mariño xigante e o corvo mariño emplumado, a pardela pichoneta (Puffinus puffinus) e a pardela cincenta (Calonectris diomedea). Destacan tamén o milano real (Milvus milvus), o aguia pescadora (Pandion haliaetus) así como dúas especies de falcóns. Polo que se refire a fauna terrestre, destaca unha variedade endémica da lagartija das Gimnesias, a Podarcis lilfordi brauni de cor azul.