Illa Malden

Na Galipedia, a Wikipedia en galego.
Malden
Vista da illa
Foto espacial da NASA da Illa Malden (o norte cara abaixo)
Datos
Capital
País Kiribati
Localización Océano Pacífico
Arquipélago Illas da Liña
Linguas
Poboación (2009) Deshabitada
Superficie 39´3 km²
Densidade
Coordenadas 4°1′S 154°56′W / 4.017°S 154.933°W / -4.017; -154.933
Maior Altura 10 m.
Localización
Localización de Malden

A Illa Malden, historicamente chamada tamén Illa Independence, é unha illa pequena e inhabitada do Océano Pacífico central. Forma parte das Illas da Liña, pertencentes á República de Kiribati. É famosa polas súas misteriosas construcións megalíticas: pirámides, plataformas, templos e estradas. Tamén é o lugar da primeira proba nuclear inglesa en 1957.

Foi descuberta o 30 de xullo de 1825 polo capitán inglés George Anson (Lord) Byron, curmán do poeta, mentres estaba repatriando os restos do Rei e a Raíña de Hawai, que morreran de sarampelo durante a súa visita a Londres. Byron nomeou a illa en honra do lugarteninente Charles Malden, que a explorou.

A illa estaba inhabitada, pero se atoparon unhas construcións megalíticas notables e estrañas. Especulouse moito sobre a súa orixe e as súas funcións, pero ata agora as conclusións arqueolóxicas apuntan a unha orixe polinesia.

Durante a primeira metade do século XIX a illa foi visitada en numerosas ocasións por baleeiros norteamericanos. Foi reclamada polos Estados Unidos co propósito de recoller guano (segundo o Acta de Illas Guaneras), pero se adiantaron os británicos, quen a explotaron durante sesenta anos.

En 1957 Malden foi utilizada polos británicos para facer tres probas termonucleares atmosféricas. Os Estados Unidos continuaron disputando a soberanía aos británicos ata a independencia de Kiribati en 1979.