Igrexa dos Santos Xusto e Pastor de Cuenca de Campos
| Igrexa dos Santos Xusto e Pastor de Cuenca de Campos | |
|---|---|
 | |
| Datos xerais | |
| País | España |
| Tipo | Parroquia |
| Advocación | Xusto e Pastor |
| Localización | Cuenca de Campos, Provincia de Valladolid, Castela e León,  España |
| Coordenadas | 42°03′27″N 5°03′22″O / 42.0575, -5.0561111111111Coordenadas: 42°03′27″N 5°03′22″O / 42.0575, -5.0561111111111 |
| Catalogación | Ben de Interese Cultural dende o 3/6/1931 |
| Culto | |
| Culto | Igrexa Católica |
| Diocese | Valladolid |
| Arquitectura | |
| Construción | século XVI |
| Estilo | Mudéxar |
| Identificador | RI-51-0001004-00002 |
| [ editar datos en Wikidata ] | |
A Igrexa dos Santos Xusto e Pastor é un templo católico que se atopa na localidade de Cuenca de Campos (provincia de Valladolid).[1] Está declarado Ben de Interese Cultural.
Descrición[editar | editar a fonte]
Trátase dun edificio do románico mudéxar construído no século XVI.[1][2]
Unha porta alintelada precedida dun pórtico permite acceder ó templo a través dunha das tres naves e a da Epístola. Ditas naves atópanse separadas por columnas da orde xónica e as armaduras que as cobren considéranse as mellores da provincia en arte mudéxar.[1][2]
As zapatas das columnas que sosteñen o teito foron decoradas no renacemento con bustos representando ás virtudes.[1]
Na capela maior destaca o artesoado que a cobre pola súa lacería, policromado e piñas de mozárabes.[1]
O retablo, construído ó redor do ano 1580, conta con tallas dos santos Xusto e Pastor, entre outras atribuídas ó artista Pedro de Bolduque.[1][2]
A igrexa conta cunha torre de ladrillo de dous corpos. O inferior alberga unha capela cuberta por bóveda de crucería gótica.[2]
Notas[editar | editar a fonte]
- ↑ 1,0 1,1 1,2 1,3 1,4 1,5 Igrexa dos Santos Xusto e Pastor Arquivado 16 de outubro de 2014 en Wayback Machine. pueblos-espana.org
- ↑ 2,0 2,1 2,2 2,3 Igrexa de San Xusto e Pastor Arquivado 16 de outubro de 2014 en Wayback Machine. tierradecampos.com
