Igrexa de Santo Tomás de las Ollas
 | Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. (Desde xullo de 2017.) |
| Igrexa de Santo Tomás de las Ollas | |
|---|---|
 Ábsida de Santo Tomás de las Ollas | |
| Datos xerais | |
| País |  España |
| Rexión | Castelá e León |
| Tipo | igrexa |
| Advocación | Santo Tomé |
| Localización | Santo Tomás de las Ollas, Ponferrada (León) |
| Coordenadas | 42°33′17″N 6°34′46″O / 42.554694444444, -6.5794166666667Coordenadas: 42°33′17″N 6°34′46″O / 42.554694444444, -6.5794166666667 |
| Catalogación | Monumento Histórico-Artístico |
| Culto | |
| Culto | sen culto |
| Diocese | Astorga |
| Arquitectura | |
| Construción | século X |
| Fundador | Abade Salomón |
| Estilo | Mozárabe e románico |
  igrexa de Santo Tomás de las Ollas | |
| [ editar datos en Wikidata ] | |
A igrexa de Santo Tomás de las Ollas é un templo relixioso situado na aldea do mesmo nome, no concello de Ponferrada, na provincia de León.
Historia[editar | editar a fonte]
O nome da igrexa, tomado da aldea Santo Tomás de las Ollas, provén do oficio principal desa localidade: a olaría. Provían de xénero á zona do Val do Oza. A ermida foi doada polo Bispo de Astoga á comunidade do Mosteiro de San Pedro de Montes.
Arquitectura[editar | editar a fonte]
A súa construción orixinal data do século X, despois da cal se efectuaron diversas modificacións, que remataron coa da sancristía, do século XIX. A ermida consta dunha nave rectangular con só unha ábsida que, a pesar de ter unha planta ovalada, continúa a liña rectangular da nave nos seus muros exteriores. O teitume é a dúas augas, de lousa e aséntase sobre unha armadura de madeira.
Accédese á ábsida dende a nave a través dun dobre arco de ferradura (arco triunfal) sostido por pilastras. A ábsida, que aloxa a Capela Real, é de construción anterior á nave principal e a súa planta é máis estreita que a da nave.
No século XII substituíuse a portada pola que existe ata hoxe, de estilo románico e de medio punto. Fixéronse outras modificacións no século XVII, como rebaixar a altura da nave (que anteriormente igualaba á da ábsida), e o engadido de acabados mouriscos e revocadura de cal no interior. Engadiuse tamén unha capela ao muro norte da nave con dous contrafortes diagonais nos vértices que comunican cunha porta de medio punto.
