Igrexa de San Miguel de Eiré

Igrexa de San Miguel de Eiré
Vista do conxunto.
Datos xerais
País	España
Tipo	Igrexa parroquial
Advocación	Virxen María
Localización	Eiré (Pantón)
Coordenadas	42°31′06″N 7°38′53″O
Culto
Culto	Católico
Diocese	Lugo
Arquitectura
Construción	século XVI
Estilo	románico
[ editar datos en Wikidata ]

Pinturas do interior.

A Igrexa de San Miguel de Eiré, tamén chamado Mosteiro de Eiré, é unha igrexa románica de orixe monástica e un dos mellores exemplos conservados en Galicia de arquitectura románica. Está situada no lugar do Mosteiro na parroquia de Eiré, no concello lucense de Pantón.

Historia

Adoitase situar a súa fundación como mosteiro de monxas de San Bieito nos primeiros anos do século XII, e da primeira metade deste século data a igrexa. Porén conserva elementos arquitectónicos anteriores que puideron ser reaproveitados de anteriores construcións.

Respecto a esta igrexa existen numerosas lendas. Unha delas é sobre o motivo do seu abandono por parte das monxas que o habitaban, existen unha historia entre as xentes do lugar onde se atopa que conta que a igrexa de San Miguel de Eiré foi invadida por formigas e por este motivo tiveron que deixar a igrexa. Outra lenda sobre este templo pantonés é sobre a onde foron as monxas trala invasións do mosteiro por formigas. E conta que tras irse de alí foron a veciña aldea de Pedragude, monte arriba, onde as tristes relixiosas observaban o seu templo dende o penedo alcumado "A Pena da Monxa".

Descrición

De nave única cuberta con teito de madeira agás o cruceiro que se cobre con bóveda. Na cabeceira a ábsida semicircular decórase con catro columnas acaroadas con capiteis con cabezas de serpes. No interior o acceso á cabeceira faise a través dun arco triunfal triplo. Nesta cabeceira consérvanse pinturas murais do século XVI. A porta norte decórase cun Agnus Dei con cruz e unhas xambas con curiosa decoración de follas que rematan en cabezas humanas.

Galería de imaxes

• 
  Ábsida.
• 
  Ábsida.
• 
  Porta.
• 
  Fiestra prerrománica no interior da igrexa.
• 
  Detalle dos canzorros.
• 
  Detalle do recinto amurallado.
• 
  Vista xeral do mosteiro.
• 
  Parte traseira do templo.
• 
  Detalle da fiestra lateral.
• 
  Detalle da porta de entrada.
• 
  Detalle escultórico da porta de entrada.
• 
  Detalle escultórico da porta de entrada.
• 
  Detalle da columna da porta de entrada.

Véxase tamén

Bibliografía

• "Eiré" (PDF). Románico Digital (en castelán). Aguilar de Campoo: Fundación Santa María la Real. pp. 481–491. 

Outros artigos

• Arquitectura románica
• Mosteiros e conventos de Galicia

Ligazóns externas

• San Miguel de Eiré na páxina web colaborativa Patrimonio Galego.
• Igrexa Monacal de San Miguel de Eiré en Turgalicia.