Horatio Alger

Horatio Alger
	;
Biografía
Nacemento	13 de xaneiro de 1832 ; Chelsea, Estados Unidos de América (pt)
Morte	18 de xullo de 1899 (67 anos); Natick, Estados Unidos de América (pt)
Lugar de sepultura	Glenwood Cemetery (en)
Datos persoais
Residencia	Nova York (1866–)
País de nacionalidade	Estados Unidos de América
Educación	Universidade Harvard (–1850); Harvard Divinity School (pt) ; Harvard College
Actividade
Ocupación	escritor , xornalista , escritor de literatura infantil , novelista , autor
Membro de	Phi Beta Kappa
Xénero artístico	Literatura infantil e xuvenil
Pseudónimo literario	Charles F. Preston
Lingua	Lingua inglesa
Obra
	Obras destacables (1868) Ragged Dick (en) ;
Familia
Pais	Horatio Alger e Olive Augusta Fenno (en)
	Sinatura

Horatio Alger, nado en Chelsea (Massachusetts) o 13 de xaneiro de 1832 e finado en Natick (Massachusetts) o 18 de xullo de 1899, foi un escritor estadounidense.

Traxectoria[editar | editar a fonte]

Fillo dun pastor unitarista que quería que o seu fillo seguise os seus pasos no sacerdocio,^[1] Alger estudou en Harvard, onde foi discípulo do poeta Wadsworth Longfellow. Despois de se graduar traballou como xornalista e mestre de escola. Rexeitado para o servizo militar por asma, fixo unha viaxe a Europa, onde decidiu seguir os pasos do seu pai e entrar no ministerio, nomeado pastor dunha igrexa da rexión do Cabo Cop, en 1866 trasládase a Nova York oficialmente para favorecer a súa carreira de escritor, aínda que os arquivos da igrexa suxire que dimitiu por casos de pederastia.

En 1867 escribiu o seu primeiro libro Ragged Dick, foi un completo éxito, ao que lle seguiron outros do mesmo tema como Luck and Pluck (1869) e Tattered Tom (1871).

Autor de máis de 130 novelas baratas nas que describe as reviravoltas de rapaces que fan realidade o soño americano a través do traballo duro, fachenda, determinación e axuda aos demais. As súas novelas son repetitivas e de escasa calidade técnica, malia iso foron moi populares na súa época, rivalizando cos escritos por Mark Twain, cada novela segue o mesmo esquema, un rapaz traballa duro para fuxir da pobreza, pero non é ese traballo de seu o que lle dá a fortuna, máis ben é un acto extraordinario de honestidade ou valor que o pon en contacto cun vello cabaleiro rico que o colle baixo a súa protección.