Homoserina

Na Galipedia, a Wikipedia en galego.
L-homoserina.
Número CAS: 672-15-1.
Modelo da L-homoserina zwitteriónica.
Outros nomes: ácido (S)-2-amino-4-hidroxibutanoico.

A homoserina[1][2][3] é un α-aminoácido coa fórmula química HO2CCH(NH2)CH2CH2OH. A L-homoserina non é un dos aminoácidos comúns codificados polo ADN (ver aminoácido non proteinoxénico) e difire do aminoácido proteinoxénico serina na inserción no seu esqueleto dunha unidade -CH2- adicional. Intervén como molécula intermediaria na síntese de certos aminoácidos.

A homoserina, na súa forma lactona (homoserina lactona), é o produto resultante da clivaxe por bromuro de cianóxeno dun péptido por degradación da metionina.

Síntese de aminoácidos[editar | editar a fonte]

A homoserina é un intermediato na biosíntese de tres aminoácidos esenciais: metionina, treonina (que é un isómero da homoserina), e isoleucina. Fórmase por dúas reducións do ácido aspártico a través do intermediario aspartato semialdehido.[4] Despois a homoserina pode seguir dúas vías, unha que dá lugar a metionina, e outra que dá lugar a treonina; a partir da treonina pode producirse isoleucina.[5]

Notas[editar | editar a fonte]

  1. PubChem compound - Homoserine. [1]
  2. ChemSpider - Homoserine [2]
  3. CHEBI - Homoserine [3]
  4. Berg, J. M.; Stryer, L. et al. (2002), Biochemistry. W.H. Freeman. ISBN 0-7167-4684-0
  5. A. Lehninger. Principios de Bioquímica. Omega. (1988). Páxina 624. ISBN 84-282-0738-0.

Véxase tamén[editar | editar a fonte]

Outros artigos[editar | editar a fonte]