Hockenheimring

Na Galipedia, a Wikipedia en galego.
Hockenheimring
Plano do Circuíto
Circuit Hokenheimring.png
Datos
Carreiras F1, DTM, German Grand Prix
Localización Alemaña Hockenheim, Alemaña
Lonxitude 4´574 km
Curvas 13
Volta rápida (2004) 1:13.780
Piloto Record Finlandia Kimi Räikkönen
Escudería Record McLaren
Coordenadas 49°19′40″N 8°33′57″E / 49.32778°N 8.56583°E / 49.32778; 8.56583
Vista do Circuíto
Vista
Jordan F1 icon.png
A Galipedia ten un portal sobre:


O Circuíto de Hockenheim ou Hockenheimring é un autódromo localizado nas proximidades de Hockenheim, Alemaña, que alberga anualmente o Gran Premio de Alemaña de Fórmula 1, entre outros eventos.

Características[editar | editar a fonte]

O trazado do circuíto destacaba por ser un dos máis longos da tempada de Fórmula 1, cun sector rápido que consistía de catro rectas de aproximadamente un quilómetro, cortadas por tres chicanes lentas que permitían numerosos adiantamentos, que percorrían un bosque. A zona de tribunas, denominada "Motordrom", compensaba o resto do trazado con curvas trabadas. Este circuíto presentaba un desafío importante aos técnicos á hora da posta a punto dos autos para a carreira, posto que se debía optar entre unha configuración con aleróns pouco inclinados e suspensión dura para maximizar a velocidade final nas rectas, pero á vez comprometendo a adherencia do coche na zona do "Motordrom", ou viceversa.

Para a edición do 2002, o circuíto foi redeseñado polo arquitecto alemán Hermann Tilke. A sección do estadio mantívose, pero o trazado foi acurtado, ao substituírse o sector de longas rectas dos bosques cunha serie de curvas máis pechadas. Como na maioría dos rediseños realizados por Tilke a petición do dono da Fórmula 1, Bernie Ecclestone, varios pilotos e fanáticos criticaron duramente a eliminación das rectas xa que estas dábanlle un carácter especial ao trazado.

Este circuíto será sempre tristemente recordado pola morte do lendario Jim Clark , que morreu en 1968 nunha competición de Fórmula 2.

Historia[editar | editar a fonte]

1930 - 1960[editar | editar a fonte]

Hockenheim foi construído en 1932, utilizando os camiños no bosque como unha alternativa ao circuíto Wildpark de Karlsruhe, que se prohibiu como circuíto de carreiras por parte de funcionarios alemáns. Hockenheim foi utilizado para carreiras de motos e ampliouse para ser utilizado como pista de probas para Mercedes-Benz e Auto Union en 1936. En 1938 pasou a chamarse Kurpfalzring nome que foi utilizado ata 1947. Despoís da guerra, o ex piloto de fábrica de DKW e NSU Wilhelm Herz promoveu a pista con éxito. Levaronse a cabo carreiras de motociclismo, co Gran Premio de Motociclismo de Alemaña alternandose entre Hockenheim e outras pistas. O circuíto orixinal tiña case oito quilómetros de longo e constaba de dúas longas rectas cunha longa curva "Leste" no bosque e unha U interior.

1960 - 2001[editar | editar a fonte]

A pista antes de 2002
A pista actual en comparación coa pista orixinal

En 1965, cando a nova autoestrada A 6 separou a vila da parte principal da pista, construíuse unha nova versión de Hockenheim, coa sección do estadio "Motodrom". Logo da morte de Jim Clark en 1968 nun accidente nas carreiras de Fórmula 2, engadíronse dúas chicanes e a pista foi rodeada de Armco en 1970. Un pequeno monumento foi colocado preto da primeira chicane, no lugar do seu accidente. En 1982, outra chicane agregouse na Ostkurve (curva leste), logo de que Patrick Depailler morrera alí en 1980, e a primeira chicane tamén fíxose máis lenta. Esta versión adoitaba ser bastante grande, cunha moi longa sección rápida pasando polos bosques que se compuña de catro rectas de aproximadamente 1´3 km, separados por unha secuencia de chicanes, seguido dun máis estreito e revirado "estadio" (a sección é chamada así por todas as tribunas situadas alí) chamado Motodrom. Este circuíto presentaba un desafío importante aos técnicos á hora da posta a punto dos autos para a carreira, posto que se debía optar entre unha configuración con aleróns pouco inclinados e suspensión dura para maximizar a velocidade final nas rectas, pero á vez comprometendo a adherencia do coche na zona do "Motordrom", ou viceversa. A lonxitude da pista longa tamén significaba que unha carreira típica de Fórmula 1 tiña só 45 voltas, o que limitaba a experiencia dos espectadores da carreira só unhas poucas pasadas a través do estadio. Moitos dos problemas saíron á luz durante o Gran Premio de Alemaña de 2000, onde o piloto brasileiro Rubens Barrichello gañou tras comezar 18º na grella, en condicións atmosféricas cambiantes. Todos os adiantamentos que tiveron lugar durante a carreira atopábanse nas chicanes do sector forestal, é dicir, os espectadores apenas viron a maior parte do mellor da carreira. O piloto francés Jean Alesi tivo un enorme accidente na terceira chicane logo dunha colisión con Pedro Diniz. Un ex empregado de Mercedes, que fora despedido, abriu unha brecha nas barreiras de seguridade da pista na recta principal en primeiro lugar, mostrando a vulnerabilidade das instalacións de seguridade no bosque. Estes feitos motivaron a protesta tanto da FIA para mellorar a visualización dos espectadores, como a seguridade na pista, xa que quedara claro que a pista xa non era adecuada para as carreiras de Fórmula Un modernas.

Redeseño de 2001[editar | editar a fonte]

A principios de década de 2000, os directivos da F1 esixiron que a pista de 6.823 km. acúrtarase e ameazou con deixar de competir alí, debido á competencia doutras pistas, como o EuroSpeedway Lausitz e circuítos en Asia. O goberno do estado de Baden-Württemberg asegurou o financiamento para o redeseño por Hermann Tilke para o Gran Premio de Alemaña de 2002. A sección do estadio mantívose case intacta, a pesar dunha nova superficie e unha estreita curva 1 ("Nordkurve"). Con todo, o circuíto reduciuse drasticamente, co tempo, a sección de rectas do bosque foi cambiada en favor de curvas máis estreitas. Nunha decisión moi controvertida, a vella sección dos bosques foi arrincada e replantada de árbores, o que eliminou calquera posibilidade de utilizar a antiga pista, xa sexa para futuras carreiras de F1 ou para carreiras de coches históricos. Había e segue habendo unha gran cantidade de críticas á remodelación da pista, en termos de arruinar os anteriores desafíos técnicos, únicos do antigo circuíto de Hockenheim e facer un novo circuíto homoxeneizado "similar a outros" sen o carácter do deseño anterior, mentres que adoece dos problemas que se perciben nos outros circuítos de Tilke.[1] Varios pilotos e directores de equipo, incluíndo Ron Dennis, Jarno Trulli e Juan Pablo Montoya criticaron os cambios e declarou a súa preferencia polo vello circuíto.[2]

Os restos da lendaria Ostkurve en febreiro de 2008 logo da recuperación

A nova pista ten 120.000 asentos, debido ás novas grandes tribunas patrocinados por Mercedes-Benz. O complexo tamén conta cunha pista de cuarto de milla para drag racing ou carreiras de aceleración. Alberga un dos maiores eventos de carreiras de drag en Europa coñecido como o NitrOlympx.

Gañadores de Fórmula 1 no circuíto de Hockenheim[editar | editar a fonte]

Ano Piloto Auto Duración Lonxitude Voltas Velocidade media Data GP de
1970 Austria Jochen Rindt Lotus-Ford 1:42:00,300 h 6´789 km 50 199´667 km/h 2. agosto Alemaña Alemaña
1977 Austria Niki Lauda Ferrari 1:31:48,620 h 6´789 km 47 208´528 km/h 31. xullo
1978 Flag of the United States.svg Mario Andretti Lotus-Ford 1:28:00,900 h 6´789 km 45 208´263 km/h 30. xullo
1979 Australia Alan Jones Williams-Ford 1:24:48,830 h 6´789 km 45 216´124 km/h 29. xullo
1980 Francia Jacques Laffite Ligier-Ford 1:22:59,730 h 6´789 km 45 220´859 km/h 10. agosto
1981 Flag of Brazil.svg Nelson Piquet Brabham-Ford 1:25:55,600 h 6´789 km 45 213´325 km/h 2. agosto
1982 Francia Patrick Tambay Ferrari 1:27:25,178 h 6´797 km 45 209´929 km/h 8. agosto
1983 Francia René Arnoux Ferrari 1:27:10,319 h 6´797 km 45 210´525 km/h 7. agosto
1984 Francia Alain Prost McLaren-TAG-Porsche 1:24:43,210 h 6´797 km 44 211´804 km/h 5. agosto
1986 Flag of Brazil.svg Nelson Piquet Williams-Honda 1:22:08,263 h 6´797 km 44 218´463 km/h 22. xullo
1987 Flag of Brazil.svg Nelson Piquet Williams-Honda 1:21:25,091 h 6´797 km 44 220´394 km/h 26. xullo
1988 Flag of Brazil.svg Ayrton Senna McLaren-Honda 1:32:54,188 h 6´797 km 44 193´148 km/h 24. xullo
1989 Flag of Brazil.svg Ayrton Senna McLaren-Honda 1:21:43,302 h 6´797 km 45 224´566 km/h 30. xullo
1990 Flag of Brazil.svg Ayrton Senna McLaren-Honda 1:20:47,164 h 6´802 km 45 227´334 km/h 29. xullo
1991 Flag of the United Kingdom.svg Nigel Mansell Williams-Renault 1:19:29,661 h 6´802 km 45 231´028 km/h 28. xullo
1992 Flag of the United Kingdom.svg Nigel Mansell Williams-Renault 1:18:22,032 h 6´815 km 45 234´798 km/h 26. xullo
1993 Francia Alain Prost Williams-Renault 1:18:40,885 h 6´815 km 45 233´861 km/h 25. xullo
1994 Austria Gerhard Berger Ferrari 1:22:37,272 h 6´823 km 45 222´971 km/h 31. xullo
1995 Alemaña Michael Schumacher Benetton-Renault 1:22:56,043 h 6´823 km 45 222´130 km/h 30. xullo
1996 Flag of the United Kingdom.svg Damon Hill Williams-Renault 1:21:43,417 h 6´823 km 45 225´420 km/h 28. xullo
1997 Austria Gerhard Berger Benetton-Renault 1:20:59,046 h 6´823 km 45 227´478 km/h 27. xullo
1998 Finlandia Mika Häkkinen McLaren-Mercedes 1:20:47,984 h 6´823 km 45 227´997 km/h 2. agosto
1999 Flag of the United Kingdom.svg Eddie Irvine Ferrari 1:21:58,594 h 6´823 km 45 224´724 km/h 1. agosto
2000 Flag of Brazil.svg Rubens Barrichello Ferrari 1:25:34,418 h 6´825 km 45 215´341 km/h 30. xullo
2001 Alemaña Ralf Schumacher Williams-BMW 1:18:17,873 h 6´825 km 45 235´351 km/h 29. xullo
2002 Alemaña Michael Schumacher Ferrari 1:27:52,078 h 4´574 km 67 209´263 km/h 28. xullo
2003 Flag of Colombia.svg Juan Pablo Montoya Williams-BMW 1:28:48,769 h 4´574 km 67 207´036 km/h 3. agosto
2004 Alemaña Michael Schumacher Ferrari 1:23:54,848 h 4´574 km 66 215´852 km/h 25. xullo
2005 España Fernando Alonso Renault 1:26:28,599 h 4´574 km 67 212´629 km/h 24. xullo
2006 Alemaña Michael Schumacher Ferrari 1:27:51,693 h 4´574 km 67 209´278 km/h 30. xullo
2008 Flag of the United Kingdom.svg Lewis Hamilton McLaren-Mercedes 1:31:20,874 h 4´574 km 67 202´870 km/h 20. xullo
2010 España Fernando Alonso Ferrari 1:27:38,864 h 4´574 km 67 209´788 km/h 25. xullo
2012 España Fernando Alonso Ferrari 1:31:05.862 h 4´574 km 67 201´844 km/h 22. xullo
2014 Alemaña Nico Rosberg Mercedes 1:33:42,914 h 4´574 km 67 196´206 km/h 20. xullo

Record: M.Schumacher (4 Veces)

Panorámica desde a zona de tribunas Motodrom (2004)

Notas[editar | editar a fonte]

Véxase tamén[editar | editar a fonte]

Commons
Commons ten máis contidos multimedia na categoría: Hockenheimring Modificar a ligazón no Wikidata

Bibliografía[editar | editar a fonte]

Outros artigos[editar | editar a fonte]

Ligazóns externas[editar | editar a fonte]