Hiperlipidemias

Na Galipedia, a Wikipedia en galego.

As hiperlipidemias ou dislipemias son un conxunto de alteracións metabólicas dos lípidos e lipoproteínas. Os distintos tipos clasifícanse en base a dous parámetros bioquímicos en sangue, o colesterol e os triglicéridos.

Tipo I[editar | editar a fonte]

A hiperlipidemia tipo I prodúcese por unha acumulación de quilomicróns. Existen dous defetos xenéticos coñecidos que poden orixinar esta enfermidade: a deficiencia da lipoproteín lipasa e a deficiencia de ApoC-II. A lipoproteín lipasa escinde os lípidos mentres que a ApoC-II reforza a actividade de tal encima. Os pacientes afectos presentan unhas concentracións moi elevadas de triglicéridos, ata 1.000 mg/dl, que poden producir acumulacións de graxa na pel (xantelasmas) ou incluso pancreatite aguda.

Tipo II[editar | editar a fonte]

Na hiperlipidemia tipo II hai unha acumulación de LDL, producido na maior parte das ocasións por defetos xenéticos na síntese, maduración ou función do receptor de LDL. As persoas que só teñen un xene alterado amosan niveis moi elevados de triglicéridos, dado que a enfermidade ten un carácter dominante. As persoas cos dous alelos mutados padece unha enfermidade máis grave, con moito risco de infarto de miocardio antes dos 20 anos.

Tipo III[editar | editar a fonte]

A hiperlipidemia tipo III débese a anomalías de ApoE, que interfire co correcto funcionamento dos quilomicróns e co VLDL. Os enfermos teñen un maior risco de aterosclerose.

Nos enfermos con sospeita desta enfermidade débese examinar a función tiroidea xa que o hipotiroidismo ocasiona alteracións lipídicas semellantes.

Tipo IV[editar | editar a fonte]

Das dislipemias, é a máis común. Os niveis de VLDL áchanse incrementados, moitas veces relacionados coa obesidade, o abuso de alcol etílico e a diabetes mellitus. Nos casos de orixe xenética, descoñécese o xene alterado.

Tipo V[editar | editar a fonte]

Semellante á tipo I, hai elevación de quilomicróns e triglicéridos, con asociación a xantelasmas e pancreatite.

Hipercolesterolemia[editar | editar a fonte]

Pode aparecer de forma illada en enfermidades hepáticas nas que haya defetos na excreción biliar de colesterol. Hai ademais acumulación dunha lipoproteína anormal, a lipoproteína X. Non obstante, este tipo parece non estar asociado a un maior risco cardiovascular.

Véxase tamén[editar | editar a fonte]

Bibliografía[editar | editar a fonte]