Heterocongrinos

A dos heterocongrinos (Heterocongrinae) é unha subfamilia que comprende dous xéneros de peixes pertencentes á familia dos cóngridos, que inclúen varias especies denominadas, na terminoloxía internacional, como heterocongros, anguías de xardín ou anguías tubícolas.

Descrición

Estes peixes pequenos, longos e delgados (máximo 40 cm de lonxitude e 15 mm de diámetro) teñen a particularidade de viviren medio enterrados nun tubo vertical escavado no fondo areoso, e de teren o corpo revestido dunha mucosidade secretada por uns órganos especiais secretores da pel do animal. Teñen a punta da cola modificada para asegurar que estean firmemente ancorados ao substrato, e nunca saen totalmente fóra do seu burato, mesmo nin para reproducírense. Os seus ollos posúen unha visión binocular. A súa liña lateral está modificada, e ao máis leve movemento da auga, agóchanse e no seu tobo. A cabeza proxéctase cara a adiante, e capturan o zooplancto traído polas correntes a través da boca situada cara a arriba. Viven en colonias (chamadas xardíns) e a miúdo chegan a reunírense nelas centos de individuos, xeralmente dispostos a distancias iguais entre si. Adoita ocorrer que os "xardíns" comprenden varias especies de diferentes heterocongros.

Distribución

Estes peixes habitan nas augas cálidas dos océanos Índico, Pacífico e Atlántico (incluínso o mar Caribe, e no mar Vermello. As colonias estás situadas en fondos desde 1 m até máis de 300 m de profundidade. A nedida que se descende as colonias son máis grandes, pero son raras máis alá dos 200 m, xa que a luz é demasiado débil como para permitir que os heterocongros vexan ás súas presas.

As colonias dos heterocongros sempre están situadas en ladeiras areosas expostas á corrente, de modo que poden capturar constantemente ás súas presas, pero sempre ao abrigo das ondas.

Reprodución

Os heterocongros teñen un modo de reprodución sexual. No abandonan xamais o seu tobo, nin para reproducirse. Cando desovan, os machos e as femias máis próximos entretecen os seus corpos e soltan os espermatozoides e os óvulos na auga. Unha vez fecundados, os ovos convértense de larvas leptocéfalas que, desde que alcanzan o estadio de xuvenís, se unen á colonia e crean os seus tobos na periferia, de maneira que o xardín está crecendo constantemente.

Clasificación: xéneros e especies

A sufamilia comprende dous xéneros cun total de 35 especies:

Subfamila Heterocongrinae

Xénero Gorgasia Meek & Hildebrand, 1923

• Gorgasia barnesi Robison & Lancraft, 1984
• Gorgasia cotroneii D'Ancona, 1928
• Gorgasia galzini Castle & Randall, 1999
• Gorgasia hawaiiensis Randall & Chess, 1980
• Gorgasia inferomaculata Blache, 1977
• Gorgasia japonica Abe, Miki & Asai, 1977
• Gorgasia klausewitzi Quéro & Saldanha, 1995
• Gorgasia maculata Klausewitz & Eibl-Eibesfeldt, 1959
• Gorgasia maculatus Klausewitz & Eibl-Eibesfeldt, 1959
• Gorgasia naeocepaea Böhlke, 1951
• Gorgasia naeocepaeus Böhlke, 1951
• Gorgasia obtusa Garman, 1899
• Gorgasia preclara Böhlke & Randall, 1981
• Gorgasia punctata Meek & Hildebrand, 1923
• Gorgasia sillneri Klausewitz, 1962
• Gorgasia taiwanensis Shao, 1990
• Gorgasia thamani Greenfield & Niesz, 2004

Xénero Heteroconger Bleeker, 1868

• Heteroconger balteatus Castle & Randall, 1999
• Heteroconger camelopardalis Lubbock, 1980
• Heteroconger canabus Cowan & Rosenblatt, 1974
• Heteroconger chapmani Herre, 1923
• Heteroconger cobra Böhlke & Randall, 1981
• Heteroconger digueti Pellegrin, 1923
• Heteroconger enigmaticus Castle & Randall, 1999
• Heteroconger hassi Klausewitz & Eibl-Eibesfeldt, 1959
• Heteroconger klausewitzi Eibl-Eibesfeldt & Köster, 1983
• Heteroconger lentiginosus Böhlke & Randall, 1981
• Heteroconger longissimus Günther, 1870
• Heteroconger luteolus Smith, 1989
• Heteroconger obscurus Klausewitz & Eibl-Eibesfeldt, 1959
• Heteroconger pellegrini Castle, 1999
• Heteroconger perissodon Böhlke & Randall, 1981
• Heteroconger polyzona Bleeker, 1868
• Heteroconger taylori Castle & Randall, 1995
• Heteroconger tomberua Castle & Randall, 1999
• Heteroconger tricia Castle & Randall, 1999

Galería

• 
  Especie non identificada fotografada en Balí, Indonesia, en estado libre; todas as demais representadas son exemplares cativos en acuarios públicos.
• 
  H. hassi (Idem para as 8 fotos seguintes)
• 
• 
• 
• 
• 
• 
• 
• 
• 
  Unha especie do xénero Gorgasia: G. preclara
• 
  Idem

Véxase tamén

Bibliografía

• Eichler, Dieter e Robert F. Myers (1997): Korallenfische Zentraler Indopazifik. Hambueg: Jahr Verlag. ISBN 3-86132-225-0.
• Nelson, Joseph S. (2006): Fishes of the World. John Wiley & Sons, Inc. ISBN 0-471-25031-7.
• Patzner, Robert A. e Horst Moosleitner (1999): Mergus Meerwasser-Atlas Band 6. Melle: Mergus-Verlag. ISBN 3-88244-116-X.

Outros artigos

• Cóngridos
• Heteroconger

Ligazóns externas

• Heterocongrinae no ITIS.