Heraldo de Galicia (1930)

Na Galipedia, a Wikipedia en galego.

Heraldo de Galicia foi un semanario editado en Ourense entre 1930 e 1936.

Historia e características[editar | editar a fonte]

Subtitulado Semanario de los lunes. De carácter cultural e informativo, apareceu o 27 de outubro de 1930 e foi o substituto de Heraldo Orensano. Dirixido por Ricardo Outeiriño e nos últimos meses de publicación por José Goyanes, o consello de redacción estaba formado por Vicente Risco, Florencio de la Torre e Ricardo Outeiriño. Como redactores figuraban Augusto Casas, Florentino López Cuevillas, Eleuterio González Salgado, Leopoldo López Teijeiro, Ángel Martínez Doval, Luis F. Mouriño, Ramón Otero Pedrayo, Xosé Ramón Fernández-Oxea e José Rodríguez Bouzo. Nun primeiro momento declarouse apolítico para inclinarse despois a favor da proclamación da República. Instaurada a República, defendeu a personalidade e autonomía de Galicia de tal xeito que podía ser considerado como órgano do nacente Partido Galeguista.

Contaba con varias seccións fixas: "Prosas galegas" e "Esquemas y lembranzas", de Otero Pedrayo; "Leria nova", de Vicente Risco; "Apuntes de Roma", de Florencio de la Torre; e "Efemérides de Galicia", de Alberto Vilanova. Tamén tiña unha páxina dedicada ao agro dirixida por José Rodríguez Bouzo.

Cesou a súa publicación en xullo de 1936.

Véxase tamén[editar | editar a fonte]

Bibliografía[editar | editar a fonte]

  • Santos Gayoso, Enrique (1990). Historia de la Prensa Gallega 1800-1986. Sada: Do Castro. ISBN 84-7492-489-8.