Heraldo Guardés

Heraldo Guardés
Lingua	lingua castelá
Localidade	A Guarda
ISSN	2660-1885
Na rede
[ editar datos en Wikidata ]

Heraldo Guardés foi un semanario editado na Guarda entre 1904 e 1935.

Historia e características

Subtitulado Semanario independiente, apareceu o 15 de outubro de 1904. Foi fundado por José Darse Sobrino, que era tamén o propietario, ao seu regreso da emigración. Darse creou unha imprenta propia na que se imprimía o periódico. Entre os seus colaboradores figuraron Guillermo Vicente, Francisco Rodríguez Otero, Manuel Álvarez Rivero, Serafín Carrera Fernández, Rafael Fernández Casas e Xoán Noya. De tendencias liberais republicanas, defensor do agrarismo e anticlerical, antiforal e anticaciquil. Identificouse plenamente co movemento agrario a partir do 30 de xaneiro de 1909, cando reiniciou a súa publicación, interrompida durante varios meses a consecuencia dun incendio o 20 de abril de 1908. Debido a esta vinculación e ás diversas campañas agraristas, foi considerado como o decano da prensa agrarista dos anos dez. Logo da morte do seu fundador cambiou a súa orientación e pasou a defender á dereita caciquil. Cesou a súa edición en 1935. Varios colaboradores de Darse continuaron a súa liña en Nuevo Heraldo.

Véxase tamén

Bibliografía

• "Heraldo Guardés". Enciclopedia Galega Universal. Ir Indo. 1999-2002. ISBN 84-7680-288-9. 
• "Heraldo Guardés". Gran Enciclopedia Galega Silverio Cañada (DVD). El Progreso. 2005. ISBN 84-87804-88-8. 
• Martínez Tamuxe, Xoán (2004). O Heraldo Guardés, a Imprenta Guttemberg e o seu director José Darse. 
• Santos Gayoso, Enrique (1990). Historia de la prensa gallega 1800-1986. Cuadernos do Seminario de Sargadelos (en castelán) 52. Sada: Ediciós do Castro. ISBN 84-7492-489-8. 
• Vilavedra, Dolores, ed. (1997). Diccionario da literatura galega. Publicacións Periódicas II. Vigo: Editorial Galaxia. ISBN 84-8288-137-X. 

Ligazóns externas

• José Antonio Uris Guisantes "José Darse Sobrino e Heraldo Guardés" galiciasuroeste.info.