Henry Fairfield Osborn

Na Galipedia, a Wikipedia en galego.
Henry Fairfield Osborn

Henry Fairfield Osborn, nado en Fairfield, Connecticut en 1857 e finado en 1935, foi un paleontólogo norteamericano, especialista en mamíferos fósiles.

Traxectoria[editar | editar a fonte]

Estudou na Universidade de Princeton, onde foi profesor de anatomía comparada entre 1883 e 1890. En 1891 pasou á Universidade de Columbia como profesor de bioloxía, e de zooloxía dende 1896. Foi presidente do Museo Americano de Historia Natural entre 1908 e 1935, e arriqueceu o museo coa máis importante colección de fósiles do mundo, en parte grazas ás súas expedicións polo oeste dos Estados Unidos. Describiu e denominou ao Tyrannosaurus rex en 1905, o Pentaceratops en 1923 e o Velociraptor en 1924.
Osborn foi partidario da agora desacreditada teoría da ortoxénese e do euxenismo.

En 1910 escribiu o manual The Age of Mammals.