Hendrick Avercamp

Paisaxe invernal con xogos no xelo, 1608. Óleo sobre táboa, 29,4 X 46,4 cm. Kunsthistorisches Museum, Viena

Hendrick Avercamp, nado en Amsterdam o 27 de xaneiro de 1585 e falecido en Kampen o 15 de maio de 1634, foi un pintor holandés, especializado en pintura paisaxística de tema invernal.

Traxectoria

Era xordo e coñecido como “o mudo de Kampen". Estudou na súa cidade natal co pintor Pieter Hendrick (1569-1625). Foi un dos primeiros pintores paisaxísticos da escola holandesa do século XVII, especializándose nas paisaxes invernais do seu país. As obras de Avercamp están cheas de colorido e vivacidade, con una atenta colocación das persoaxes na escena...

O traballo de Avercamp gozou de grande popularidade e vendendo moitas das súas obras, en boa parte realizadas á acuarela. A mesma raíña Isabel II de Inglaterra tivo unha excepcional colección das súas pinturas no castelo de Windsor. Hendrick Avercamp faleceu en Kampen, Holanda, en 1634.

Continuadores

As pinturas de paisaxes invernais de Hendrick Avercamp tiveron continuadores como Jan van Goyen, Aart van der Neer, Antonie van Stralen e Jan van de Capelle.

Obra (selección)

• Paisaxe de Inverno, Rijksmuseum, Amsterdam
• O Inverno, Mauritshuis, A Haia
• Escena na neve, "Rijksmuseum Kröller-Müller", Otterlo
• Escena invernal, "Museum Boymans-van Beuningen", Rotterdam
• Paisaxe de inverno, "Kunsthistorisches museum", Viena,
• Escena invernal en Yselmuiden, "Musée d'art et d'histoire", Xenebra
• Escena sobre o xelo cerca dunha cidade, "National Gallery", Londres
• Paisaxe de inverno con persoaxes, "National Gallery of Scotland", Edimbourg
• Escena sobre o xelo, "National Gallery of Ireland", Dublin