Hemocromatose

Na Galipedia, a Wikipedia en galego.
Hemocromatose
Clasificación e recursos externos

Depósitos de ferro nunha tinción histolóxica.
ICD-10 E83.1
ICD-9 275.0
OMIM 235200
DiseasesDB 5490
MedlinePlus 000327

A hemocromatose (do grego αἷμα, haima: sangue e χρώμα, chróma: cor) é unha doenza que afecta ao metabolismo do ferro, provocando unha acumulación excesiva e prexudicial deste metal nos órganos e sistemas do corpo humano. Non ha de confundirse coa hemosiderose, afectación caracterizada polo exceso de hemosiderina nos tecidos, mais que non chega a producir dano orgánico algún. Cando o depósito de ferro chega a tal punto que ocasiona perxuízo aos órganos nos que se deposita (sobre todo o fígado), fálase de hemocromatose. Consitúe unha doenza hereditaria, sendo máis común na raza caucásica, sobre todo nos habitantes do norte de Europa. A prevalenza é de arredor de 1 cada 200-250 persoas nestes países.