Heath Ledger

Heath Ledger
Heath Ledger 2006.
Nacemento	Heath Andrew Ledger 4 de abril de 1979 Perth, Australia
Falecemento	22 de xaneiro de 2008 Nova York, Estados Unidos
Profesión	actor
Cónxuxe(s)	Michelle Williams (2004–2007)
Fillo(s)	Matilda Rose Ledger
Páxina web oficial
Ficha na IMDb
Premios gañados Premios Óscar Mellor actor de reparto 2008 O cabaleiro escuro Globos de Ouro Mellor actor de reparto 2009 O cabaleiro escuro Premios BAFTA Mellor actor de reparto 2008 O cabaleiro escuro

Heath Andrew Ledger, nado en Perth o 4 de abril de 1979 e falecido en Nova York o 22 de xaneiro de 2008, foi un actor australiano.

Traxectoria

Comezou de neno a facer obras de teatro infantil e aos dezaseis anos marcha a Sidney a buscar traballo como actor. Alí obtivo un papel na serie Sweat, interpretando un ciclista homosexual. A partir de aí alternou o cinema con Blackrock, un drama sobre uns mozos acusados de violar unha nena, coa participación en series de televisión australiana, como Home Away, Blush Patrol e Roar, onde facía de guerreiro celta.

En 1999 participa na súa primeira produción internacional, intervindo como actor na comedia de rapaces 10 Things I Hate About You. Despois regresou a Australia, onde rodou Two Hands, de Gregor Jordan, e logo outra vez e xa definitivamente aos Estados Unidos ao rodar The Patriot (2001), compartindo cartel con Mel Gibson, e polo que obtivo o premio ShoWest ao mellor actor masculino. A este filme seguíronlle Monster's Ball, Destino de cabaleiro, Ned Kelly, The Order, e The Brothers Grimm.

A viraxe na súa carreira produciuse en 2005 co seu papel protagonista en Brokeback Mountain, o filme dirixido por Ang Lee que obtivo catro óscares, e se ben el foi nomeado para un deles, non o acadou. Ledger representou o vaqueiro gai Ennis del Mar. Por este papel recibiu os premios de mellor actor do ano das asociacións de críticos de Nova York e de San Francisco.

A partir de aí, no 2006, rodou o papel principal en Casanova, fixo de Joker na secuela de Batman empeza titulada O cabaleiro escuro, e en 2007 representou a Bob Dylan nunha das etapas da súa vida en I'm Not There. Ao morrer estaba rodando The Imaginarium of Doctor Parnassus.

Vida persoal

Os seus pais separáronse cando tiña dez anos e el viviu co pai. Tiña tres irmás. Entre as súas relacións destaca a que tivo coa actriz Michelle Williams entre 2005 e 2007, con quen tivo unha filla.

Foi atopado morto no seu apartamento do Soho de Nova York, vítima da acción combinada de distintas menciñas.

Filmografía

Filmes

Ano	Título	Papel	Notas
1992	Clowning Around	Pallaso
1997	Blackrock	Toby
1997	Paws	Oberón
1999	Two Hands	Jimmy
1999	10 Things I Hate About You	Patrick Verona	Nomeado ó MTV Movie Award pola mellor secuencia musical
2000	The Patriot	Gabriel Martin
2001	Monster's Ball	Sonny Grotowski
2001	Destino de cabaleiro	Sir William Thatcher / Sir Ulrich von Lichtenstein de Gelderland
2002	The Four Feathers	Harry Faversham
2003	The Order	Alex Bernier
2003	Ned Kelly	Ned Kelly
2005	Casanova	Giacomo Casanova
2005	The Brothers Grimm	Jacob Grimm
2005	Lords of Dogtown	Skip Engblom
2005	Brokeback Mountain	Ennis Del Mar
2006	Candy	Dan
2007	I'm Not There	Bob Dylan
2008	O cabaleiro escuro	Joker
2009	The Imaginarium of Doctor Parnassus	Tony

Televisión

Ano	Filme	Papel	Notas
1993	Ship to Shore	Ciclista
1996	Sweat	Snowy Bowles
1997	Home and Away	Scott Irwin	Convidado
	Roar	Conor

Vídeos Musicais

• (2006) "Cause an Effect" e "Seduction is Evil (She's Hot)", canción de N'fa, videos dirixidos por Ledger.
• (2006) "Morning Yearning," canción de Ben Harper, vídeo dirixido por Ledger.
• (2007) "Black Eyed Dog," canción escrita por Nick Drake (1948–1974), vídeo dirixido por Ledger.
• (2009) "King Rat", canción de Modest Mouse e concevida por Ledger.

Véxase tamén

Ligazóns externas

• Ficha na IMDb (en inglés)