Gustave Doré
Na Galipedia, a wikipedia en galego.
Gustave Doré foi un ilustrador e pintor francés, nacido en Estrasburgo o 6 de xaneiro de 1832. Faleceu o 23 de xaneiro de 1883 en París. A súa valía foi recoñecida internacionalmente durante a súa vida.
Índice |
[editar] Biografía
Fillo dun enxeñeiro de Camiños, comezou a deseñar aos trece anos as primeiras litografías. Un ano despois, publicouse o seu primeiro album: Les travaux d'Hercule (Os traballos de Hércules). Aos quince anos, Gustave Doré é enrolado como caricaturista no Journal pour rire (Xornal para rir) de Charles Philipon. No mesmo ano, en 1848, estrease no famoso Salón con dous deseños á pluma. En 1849, no pasamento do pai, xa é moi coñecido con tan só dezaseis anos. Vive entón perto da mai. A partir de 1851, ao tempo que expón os seus lenzos, realiza tamén algunha escultura de tema relixioso e colabora con diversas revistas como o Journal pour tous (Xornal para todos). En 1854, o editor Joseph Bry publica unha edición das obras de François Rabelais, ilustrada cunha centena das súas gravuras. Entre 1861 e 1868, ilustra A Divina Comedia de Dante.
De cada máis recoñecido, ao tempo autodidacta e exuberante, Gustave Doré ilustrará entre 1852 e 1883 máis de cento e vinte volumes que non só aparecerían na Franza, senón tamén en Inglaterra, na Alemaña e Rusia. Gustave Doré influirá en numerosos ilustradores á postre.
Como pintor realizaría a súas obras principais : L'Enigme (O Enigma) (Museo de Orsay) e Le Christ quittant le prétoire (Ecce Homo) (1867-1872), un cadro de 6 metros de alto e 9 metros de ancho Museo de arte moderna e contemporánea de Estrasburgo.
En 1931, Henri Leblanc publicou un catálogo razonado que reseña 9.850 ilustracións, 68 títulos de música, 5 carteis, 51 litografías orixinais, 54 aguadas, 526 deseños, 283 acuarelas, 133 pinturas e 45 esculturas.
[editar] Obras ilustradas por Gustave Doré
Gustave Doré ilustrou máis de cen obras mestras da literatura universal
- La Bible : Traduction de Bourassé et Janvier, appelée aussi Bible de Tours, 1843
- François Rabelais : Œuvres, 1851, 104 ill.
- Comtesse de Ségur : Nouveaux contes de fées, 1857, 20 vign.
- Hippolyte Taine : Voyage aux Pyrénées, 1858
- Dante Alighieri : La Divine Comédie, 1861, 136 ill. et L'Enfer
- Gottfried August Bürger : Münchhausen, Frune, 1862, 158 ill.
- Miguel de Cervantes : Don Quichotte, 1863, 377 ill.
- Sinbad le marin, 1865
- Théophile Gautier : Le Capitaine Fracasse, 1866, 60 ill.
- Victor Hugo : Les Travailleurs de la mer, 1867, 22 ill.
- Jean de La Fontaine : Fables, 1868, 248 ill.
- Samuel Coleridge : The Rime of the Ancient Mariner, 1876
- Lord Byron : Œuvres.
- Charles Perrault : Contes (Barbe-Bleue, Cendrillon, Le Chat botté, Le Petit Chaperon rouge, Le Petit Poucet, Riquet à la houppe).
[editar] Galería de ilustracións
 O mundo cuberto polas augas |
 A creación da luz |
||
[editar] Bibliografía
- Annie Renonciat, Gustave Doré, Paris, A.C.R., 1983.
