Guayas

Na Galipedia, a Wikipedia en galego.
Provincia de Guayas, situada no oeste de Ecuador.

Guayas é unha das 24 provincias da República de Ecuador, localizada na rexión litoral do país. A súa capital é Guayaquil, o maior centro financieiro, comercial e industrial do país, así como a cidade mais grande. Con mais de 3'7 millóns de habitantes, a Provincia de Guayas é a mais poboada de Ecuador, con arredor dun 30% da poboación total. O nome da provincia provén do río Guayas, que a atravesa xusto antes de desembocar no Océano Pacífico.

Historia[editar | editar a fonte]

Na época precolombina estas terras foron habitadas polos huancavilcas. Coa chegada dos españois buscouse construir unha cidade que servise de porto, pero a resistencia dos nativos impediu a conquista destes territorios durante un tempo. En 1538 fundouse a cidade de Guayaquil, que se converteu nun eixo importante da Real Audiencia de Quito. Os dominios de Guayaquil abranguían a maior parte da rexión litoral de Ecuador. En 1763 foi nomeado o primeiro Gobernador de Guayaquil. Tralas guerras de independencia de España, formouse a Provincia Libre de Guayaquil, que logo acabaría uníndose á Gran Colombia, pasando a chamarse Departamento de Guayaquil. Despois da separación da Gran Colombia, formouse a República de Ecuador, e a rexión de Guayaquil dividiuse en varias provincias, unha das cales é Guayas.

Na actualidade a Provincia de Guayas está dividida en 25 cantóns, e a súa actividade principal é a industria (xa que nela atópanse o porto e as fábricas de Guayaquil) e o turismo de praia.

Demografía[editar | editar a fonte]

A provincia ten unha poboación de 3.744.351 persoas, estimada polo INEC en 2010, a maior parte da cal vive na súa capital, Guayaquil, que supera os 2 millóns de habitantes, ou nos seus arredores. Esta poboación está crecendo, ya que existe unha corrente migratoria interna dende outras provincias do país.

Evolución da poboación de Guayas e Guayaquil
Censos Provincia de Guayas Cantón de Guayaquil Cidade de Guayaquil
1950 582.144 331.942 258.966
1962 979.223 567.895 510.804
1974 1.512.333 907.013 823.219
1982 2.038.454 1.328.005 1.199.344
1990 2.515.146 1.570.396 1.508.444
2001 3.309.034 2.039.789 1.985.379
Fonte: Instituto Nacional de Estadísticas y Censos
Poboacións meirandes da Provincia de Guayas
Posición en Guayas Posición en todo o país Cidade Poboación
1 1 Guayaquil 2.291.772
2 7 Durán 230.026
3 13 Milagro 138.661
4 29 Daule 65.585
5 32 Samborondón 42,637

Clima[editar | editar a fonte]

O clima da Provincia de Guayas é tropical e monzónico, debido á corrente mariña fría de Humboldt e ó fenómeno de El Niño. Esto fai que a temperatura sexa elevada durante case todo o ano. Danse dúas estacion, o inverno chuvioso que vai dende xaneiro a maio, e o verán seco entre xuño e decembro.

Nuvola apps kweather.png Parámetros climáticos promedio da Provincia de Guayas Weather-rain-thunderstorm.svg
Mes Xan Feb Mar Abr Mai Xuñ Xul Ago Set Out Nov Dec Ano
Temperatura máxima media (°C) 31 30 32 32 30 29 28 28 30 29 30 31
30
Temperatura mínima media (°C) 21 20 18 22 20 15 17 15 16 17 18 20
15
Precipitacións (mm) 22,35 27,94 28,70 18,03 5,33 1,77 0,25 0,00 0,25 0,25 0,25 3,00
108.45
Fonte: Weatherbase

Véxase tamén[editar | editar a fonte]

Ligazóns externas[editar | editar a fonte]