Cantón, China

Na Galipedia, a Wikipedia en galego.
(Redirixido desde "Guangzhou")

Coordenadas: 23°08′N 113°16′E / 23.133°N 113.267°E / 23.133; 113.267

Pagoda das Flores na cidade de Guangzhou.

Cantón[1][2] (chinés simplificado: 广州, chinés tradicional: 廣州, pinyin: Guǎngzhōou, forma tradicional: Kwangchow) é a capital da provincia de Guangdong no sur de China. En 1999 tiña unha poboación de 6.850.000 habitantes na área urbana, e na área metropolitana 4.050.000.

Situada no río das Perlas, é a cidade máis importante do sur da China. A súa posición estratéxica, moi preto de Hong Kong, permitiu que a cidade se desenvolvese con rapidez. Foi o principal punto de saída dos emigrantes chineses durante os séculos XIX e principios do XX.

A cidade foi fundada pola dinastía Qin hai algo máis de 2000 anos e recibiu o nome de “Yancheng” ou “cidade das cabras”. Foi a capital do reino Yue do sur.

Converteuse nun dos principais portos de Asia durante a dinastía Tang. Foi tamén o porto de entrada dos primeiros misioneiros españois e portugueses que chegaron a China no século XVI.

A cidade dispón dun aeroporto internacional. Está comunicada coa veciña Hong Kong (a unha distancia de 182 Km.) mediante trens, autobuses e un servizo de Ferry.

Lugares de interese[editar | editar a fonte]

Casa da familia Chen
  • Templo dos seis banianos: Construído no ano 537, este templo quedou completamente destruído no século X por culpa dun incendio. Reconstruíuse entre o ano 989 e o 990. No seu interior encóntrase a pagode das flores, dunha altura total de 57 metros.
  • Casa da familia Chen: O máis rechamante desta casa son os seus tellados, cheos de esculturas e de colorido. O edificio foi rematado no ano 1894.
  • Guangxiao Si: Trátase dun templo budista construído no século IV e reconstruído no século XVII.

Cidades irmandadas[editar | editar a fonte]

Visión nocturna do río das Perlas, Guangzhou.

Guangzhou está irmandada coas seguintes cidades:

Notas[editar | editar a fonte]

  1. Definicións no Dicionario da Real Academia Galega (aquí) e no Portal das Palabras (aquí) para cantonés.
  2. Goretti Sanmartín Rei et al. Criterios para o uso da lingua. Servizo de Normalización Lingüística, Universidade da Coruña. p. 123. ISBN 84-9749-199-8. http://www.udc.es/publicaciones/documentos/biblioteca/CriteriosParaUsoDaLingua.pdf. 

Véxase tamén[editar | editar a fonte]

Historia urbana de Guangzhou

Commons
Commons ten máis contidos multimedia sobre: Guangzhou