Gregorio Aglipay

Na Galipedia, a Wikipedia en galego.
Gregorio Aglipay y Labayán

Gregorio Aglipay (Batac, Ilocos Norte 1860 - 1940). Reformador relixioso filipino.

Arrestado aos 14 anos por non pagar a taxa de tabaco, marchou a Manila e estudou leis, pero en 1883 entra no seminario, en 1890 foi ordenado sacerdote, comeza a exercer como axudante do párroco en varias parroquias de Luzón.

Cando estoupa a revolución de 1896 únese aos independentistas, en 1898 foi nomeado capelán castrense dos rebeldes, chamou aos cregos filipinos para que se unisen en contra dos españois.

Elixido parlamentario no Primeiro congreso filipino de 1898, en 1899, unha vez expulsados os españois, foi nomeado gobernador eclesiástico da diocese de Nueva Segovia.

Na Guerra filipino-americana loitou como un líder guerrilleiro en Ilocos.

O 3 de agosto de 1902 fundou a Igrexa Filipina Independente, excomungado por Roma nese mesmo ano, Aglipay seguiu a loitar pola independencia filipina, e en 1935 foi candidato á presidencia, perdendo diante de Manuel Quezón.