Gran Premio de Corea

Na Galipedia, a Wikipedia en galego.
Jordan F1 icon.png
A Galipedia ten un portal sobre:

O Gran Premio de Corea (coreano: 코리아 그랑프리) é unha carreira de Fórmula Un celebrada en Corea do Sur. Tras meses de especulacións, o 2 de outubro de 2006, confirmouse que a carreira levaríase a cabo en 2010, e sería acollida polo Circuíto Internacional de Corea. Tamén se puxo de manifesto que a carreira sería promovida por unha empresa público-privada. O acordo é por sete anos cunha opción de cinco anos que asegure que a carreira se celebrará ata o ano 2021.

A pesar desta confirmación, o Gran Premio de Corea do Sur non se incluíu en ningún dos calendarios provisionais de 2010.. Tras a aprobación de fondos para a carreira, programouse esta para o 17 de outubro do 2010 no calendario publicado pola Federación Internacional do Automóbil (FIA) o 21 de setembro 2009. O 10 de decembro de 2009, os organizadores da carreira anunciaron que estarían listos na data prevista, cun plan para acabar o circuíto o 5 de xullo de 2010, aínda que admitiron que o seu maior problema radicaba na procura de aloxamento para todo o persoal e os espectadores da Fórmula Un. Os organizadores tamén descartaron a posibilidade de realizar a carreira de noite, polo menos ata que teñan máis coñecementos e experiencia na xestión dun Gran Premio. A pesar da confirmación, había aínda o risco de que o circuíto non chegara a tempo, isto foi negado polo promotor da carreira, quen dixo que o circuíto ía estar antes do previsto.

Logo de varios adiamentos, a FIA programou unha inspección final do circuíto o 11 de outubro de 2010, 13 días antes de que o Gran Premio de Corea fose programado para comezar a carreira. Logo da inspección da FIA, o director de carreira Charlie Whiting declarou que a carreira ía seguir adiante.

Os pilotos de Fórmula Un fixeron comentarios positivos sobre o novo circuíto, con varios comentarios de que parece a unha pista interesante e desafiante.

Gañadores[editar | editar a fonte]

Ano Piloto Construtor Circuíto Resultados
2013 Alemaña Alemaña Sebastian Vettel Red Bull Racing Circuíto Internacional de Corea Resultados
2012 Alemaña Alemaña Sebastian Vettel Red Bull Racing Circuíto Internacional de Corea Resultados
2011 Alemaña Alemaña Sebastian Vettel Red Bull Racing Circuíto Internacional de Corea Resultados
2010 España Fernando Alonso Ferrari Circuíto Internacional de Corea Resultados

Notas[editar | editar a fonte]

Ligazóns externas[editar | editar a fonte]

Commons
Commons ten máis contidos multimedia na categoría: Gran Premio de Corea Modificar a ligazón no Wikidata