Nuuk
Coordenadas: 64°11′01″N 51°43′17″W / 64.18361°N 51.72139°W
| Nuuk | |
|---|---|
 |
 |
| Situación xeográfica | |
 |
|
| Estado: |  Dinamarca |
| Provincia Autónoma: |  Grenlandia |
| Municipio: | Sermersooq |
| Xeografía | |
| Altitude: | msnm |
| Superficie: | 686´3 km² |
| Poboación | |
| Poboación total: | 15.487 (2010) |
| Densidade de poboación: | |
| Xentilicio: | |
| Información | |
| Código postal: | 3900 |
| Alcalde: | Asii Chemnitz Narup (Inuit Ataqatigiit) |
| Sitio na web: | nuuk.gl |
Nuuk (do grenlandés: O cabo, tamén Nûk), coñecida até 1979 como Godthåb (do dinamarqués: Boa Esperanza) é a capital e principal cidade do territorio autónomo danés de Grenlandia. Áchase a 64º 10' de latitude norte, e 51º 43' de lonxitude oeste, 240 km ao sur do Círculo Polar Ártico, e a 485 km ao noroeste de Qaqortoq. Sitúase na boca sur dun grupo de fiordes chamados Godthåbsfjorden, cunha poboación de 15.000 habitantes (est.2005), un cuarta parte da poboación de Grenlandia.
Índice |
Historia [editar]
A costa suroeste de Grenlandia foi poboada por colonos viquingos procedentes de Islandia e Noruega dirixidos por Erik o Vermello a finais do século X. Tras varios séculos de ocupación, a comunidade viquinga desapareceu en torno ao século XV, sendo substituída polos inuit procedentes do norte da illa.
Nuuk foi fundada baixo o nome de Godthåb o 29 de agosto de 1728 polo misioneiro noruegués Hans Egede, tralo malogrado establecemento, sete anos antes (1721), dun asentamento na próxima illa de Håbets Ø (Illa da Esperanza). Con iso iniciouse a colonización do lugar (baixo a coroa noruegués-danesa), que nos seus primeiros anos foi bastante adversa: en 1733-1734 unha pequena epidemia de vexigas acabou coa vida da maioría da poboación inuit, e coa da esposa do propio Egede, o cal regresou a Noruega pouco despois. Os seus fillos continuaron o seu labor evanxélica en Grenlandia. No porto antigo de Nuuk aínda se erixe hoxe día a casa de Egede. Os seus habitantes de orixe danesa aínda adoitan referirse a ela como Godthåb, aínda que desde 1979 o nome grenlandés, Nuuk, é o nome oficial da cidade. É a sede do goberno da comuna de Nuuk, que abarca uns 100.000 km² da illa.
Nuuk dispón dunha emisora de radio, un hospital, unha universidade (a Universidade de Grenlandia, Ilisimatusarfik), un centro cultural (Katuaq), un aeroporto (Nuuk Airport, onde opera Air Greenland) e diversas instalacións de investigación científica. A pesca, o procesado do peixe, a caza e a cría de renos e de gando ovino son as principais actividades económicas da cidade.
Clima [editar]
En Nuuk, como en toda Grenlandia, o clima predominante é a tundra. Os invernos son fríos e nevados, nos cales as temperaturas permanecen por baixo do nivel de conxelación, e os veráns son frescos. A temperatura media anual é de -1,4 °C, cunha oscilación anual de 14,9 °C. O mes máis frío é xaneiro, cunha media de -8,4 °C e o máis caloroso é xullo, con 6,5 °C; tan só supéranse os 0 °C durante catro meses ao ano. As precipitacións anuais son de 723 mm, a maior parte en forma de neve, aínda que nos meses máis cálidos estas caen en forma de choiva. A temperatura mínima histórica rexistrada (a partir de 1850) é de -29,5 °C, mentres que a máxima é 24,2 °C.[1]
Sitios de interese [editar]
- Katuaq Cultural Centre
- University of Greenland
- National Museum of Greenland
- Nuuk Kunstmuseum
- Kalaallit Nunaata Radioa Greenlandic Broadcasting Corporation
Habitantes notables de Nuuk [editar]
- Agnethe Davidsen, a primeira muller en liderar o Goberno de Grenlandia.
- Jesper Grønkjær, futbolista profesional.
- Nive Nielsen, cantante.
Cidades irmandadas [editar]
Cuxhaven, Alemaña.
Aalborg, Dinamarca.
Vantaa, Finlandia.
Changchun, China.
Tiverton, Estados Unidos.- Lyngby-Taarbæk, Dinamarca.
Huddinge, Suecia.
Zevenaar, Países Baixos.
Deportes [editar]
- Godthåbhallen – Estadio de Balonmano de Nuuk.
- Nuuk Stadium – Estadio de fútbol de Nuuk.
