Gemini 6A

Na Galipedia, a Wikipedia en galego.
Gemini 6A
Gemini 6A patch.png
Insignia da misión Gemini 6A
Tipo Tripulado
Organización NASA
Destino actual Reentrado na atmosfera.[1]
Data de lanzamento 15 de decembro de 1965, 13:37:26,471 UTC[1][2][3][4]
Foguete portador Titan II GLV[2][5]
Sitio de lanzamento Centro Espacial de Cabo Cañaveral, rampa LC-19[2]
Duración da misión 1,08 días (25 horas, 51 minutos e 24 segundos)[6][2]
Obxectivo da misión Experimentos e prácticas de manobras con nave tripulada.[2]
Decaemento 16 de decembro de 1965[1]
NSSDC ID 1965-104A
Masa 3546,0 kg[6][2]

Gemini 6AA foi a quinta misión tripulada do programa Gemini. A tripulación estaba formada por Walter M. Schirra e Thomas P. Stafford, sendo a tripulación de respaldo Virgil I. Grissom e John W. Young.[6][2]

Desenvolvemento da misión[editar | editar a fonte]

Gemini 6A foi a quinta misión tripulada do programa Gemini. A denominación 6A débese a que a misión orixinal foi planeada para o 25 de outubro. Ese día, coa tripulación, xa a bordo do foguete e uns quince minutos antes do lanzamento, lanzouse o GATV co que a Gemini 6 faría prácticas de manobras e cita espacial, pero o vehículo non chegou a órbita a causa dunha explosión do foguete lanzador. Sen GATV o control de terra decidiu cancelar o voo da Gemini 6.[6][2]

Gemini 6A foi programada para ser lanzada varios días despois de Gemini 7 e atopala no espazo para facer as manobras e o atraque planeados co GATV 6. Os obxectivos da misión foron probar procedementos de lanzamento e cita espacial e voo en formación con Gemini 7. Como obxectivos secundarios estaban avaliar a capacidade de manobra da cápsula durante a reentrada e levar a cabo probas nos sistemas da nave e facer catro experimentos.[6][2]

Gemini 6A foi lanzada finalmente o 12 de decembro de 1965 ás 13:37:26,471 UTC (8:37:26 EST) desde o Complexo 19 de Cabo Cañaveral e insertada nunha órbita inicial de 161,0 km de perixeo e 259,4 km de apoxeo, a uns 1900 km por detrás de Gemini 7. Tras catro encendidos dos motores, Gemini 6 avistou a Gemini 7 no seu radar a unha distancia de 396 km. Tras dous encendidos máis, ás 14:33 EST, Gemini 6 conseguiu voar en formación con Gemini 7 e cunha velocidade relativa nula, a unha distancia de 110 metros. As manobras posteriores incluíron o rodeo dunha nave pola outra e aproximacións e alonxamentos entre elas durante un período de 5 horas e 19 minutos, unhas tres órbitas e media. Tras as manobras as naves alonxáronse 50 km para pasar o período de sono.[2][6]

Gemini 7 vista desde o interior de Gemini 6.

Durante a órbita 15, ás 9:53:24 EST do 16 de decembro, iniciouse o disparo dos retrofoguetes para iniciar a reentrada. A Gemini 6A amerizou ás 10:28:50 EST no océano Atlántico, a 23,58° N e 67,83° O, a só 13 km do punto de amerizaxe previsto, sendo a primeira reentrada controlada cara un puto predeterminado e exitosa do programa espacial estadounidense. O tempo total de misión foi de 25 horas, 51 minutos e 24 segundos. A tripulación foi recollida polo U.S.S. Wasp ás 11:32.[2][6]

Notas[editar | editar a fonte]

  1. 1,0 1,1 1,2 "GEMINI 6" (en inglés). Real Time Satellite Tracking. 2011. http://www.n2yo.com/satellite/?s=1839. Consultado o 23 de febreiro de 2013.
  2. 2,00 2,01 2,02 2,03 2,04 2,05 2,06 2,07 2,08 2,09 2,10 "Gemini 6A" (en inglés). 14 de maio de 2012. http://nssdc.gsfc.nasa.gov/nmc/spacecraftDisplay.do?id=1965-104A. Consultado o 23 de febreiro de 2013.
  3. (PDF) Letter dated 18 February 1966 from the Permanent Representative of the United States of America addressed to the Secretary-General. 25 de febrero de 1966. pp. 2. http://www.unoosa.org/oosa/download.do?file_uid=993.
  4. "Gemini VI-A" (en inglés). 2010. http://claudelafleur.qc.ca/Spacecrafts-1965.html#GeminiVI-A. Consultado o 23 de febreiro de 2013.
  5. "Gemini 2, 3, 4, 5, 6, 7, 8, 9, 10, 11, 12" (en inglés). Gunter's Space Page. 2011. http://space.skyrocket.de/doc_sdat/gemini.htm. Consultado o 23 de febreiro de 2013.
  6. 6,0 6,1 6,2 6,3 6,4 6,5 6,6 "Gemini 6" (en inglés). 2011. http://www.astronautix.com/flights/gemini6.htm. Consultado o 23 de febreiro de 2013.

Véxase tamén[editar | editar a fonte]

Commons
Commons ten máis contidos multimedia na categoría: Gemini 6A

Outros artigos[editar | editar a fonte]