Garda de Ferro

Na Galipedia, a Wikipedia en galego.
Garda de Ferro
Logo
Tipopartido político
IdeoloxíaAnticomunismo, Antisemitismo, fascismo clerical e Nacionalismo romanés
Data de fundación24 de xullo de 1927
Data de disolución1945
Fundador(es)Corneliu Zelea Codreanu
Presidente/a
SedeBucarest
PaísRomanía
Na rede
Musicbrainz: 2b1c5b62-06a8-4177-afa5-730f7d90fdcf Editar o valor em Wikidata
editar datos en Wikidata ]

A Garda de Ferro (en romanés Garda de Fier) foi un movemento fascista, ultranacionalista e antisemita romanés, convertido logo nun partido político, que existiu desde 1927 até a segunda guerra mundial.

O movemento foi fundado por Corneliu Zelea Codreanu, o 24 de xullo de 1927, baixo o nome "Lexión do Arcanxo Miguel", e foi liderada por Codreanu até a súa morte, en 1938. Os adeptos e membros do movemento eran chamados "lexionarios". En marzo de 1930 Codreanu formou a "Garda de Ferro", unha póla paramilitar e política da Lexión; este nome chegou a aplicarse para a Lexión enteira. Máis tarde, en xuño de 1935, a Lexión mudou oficialmente o seu nome ao partido "Totul pentru Ţară" ("Todo para o País").

Os seus membros levaban uniformes verdes (considerados símbolo de rexuvenecemento, polos seus uniformes gañaron o alcume "As camisas verdes") e saudábanse entre eles como os romanos. O símbolo principal empregado pola Garda de Ferro foi unha cruz tripla, representando barras de prisión (como escudo do martirio), ás veces chamada "A Cruz do Arcanxo Miguel".