Galo Salinas
| Galo Salinas Rodríguez | |
|---|---|
| Nacemento: | 1852 A Coruña |
| Falecemento: | 1921 A Coruña |
| Lingua: | lingua galega e castelá |
| Xénero(s): | xornalismo, drama, poesía, ensaio |
Sinatura:  |
|
Galo Salinas Rodríguez, nado na Coruña en 1852 e finado na mesma cidade en 1921, foi un galeguista e escritor en lingua galega e castelá.
Índice |
Traxectoria[editar]
En 1864, con tan só doce anos de idade, emigrou a Montevideo (Uruguai), onde atopou un traballo de comerciante. No seu retorno a Galiza, en 1876, Galo Salinas estableceuse na vila de Pontedeume, onde exerceu o maxisterio. Posteriormente deixou a profesión de mestre para traballar de xornalista na súa cidade natal, A Coruña. Alí dirixiu a Revista Gallega e entrou en contacto cos intelectuais da Cova Céltica.
En 1903 pasou a dirixir a Escola Rexional de Declamación, fundada recentemente por un grupo de rapaces liderado por Eduardo Sánchez Miño. De feito, a primeira obra teatral que estreou esta escola dramática foi ¡Filla...! (1892) de Galo Salinas. As súas loitas de poder con Manuel Lugrís Freire propiciaron que Salinas abandonara a dirección da Escola Rexional de Declamación en 1904.
Foi a primeira persoa que ocupou o cargo de arquiveiro/bibliotecario da Real Academia Galega desde o 4 de setembro de 1905 ata o 30 de xuño de 1907[1].
Prolífero escritor dramático, a el debémoslle o primeiro estudo teórico sobre teatro galego, Memoria Acerca de la Dramática Gallega. Causas de su Poco Desarrollo e Influencia que en el Mismo Puede Ejercer el Regionalismo (1896), verquido en 1998 á lingua galega por Laura Tato.
Obra[editar]
Poesía[editar]
- "O Hino Popular Regional" (1893).
- ¡Lenda de Horrore! A Mitra de Ferro Ardente (1894).
- ¡Galicia!(1894).
Drama[editar]
- A Torre do Peito Burdelo (1891).
- ¡Filla...! (1892).
- Sabela (estreado en 1903).
- A Fidalga (1904).
- A Campán (Honor Golfesco) (1904).
- Alma Gallega (1904).
- Feromar (estreado en 1907).
- Bodas de Ouro (1921).
- Entre Dous Mundos (1921).
- Copas e Bastos (estreada postumamente, en 1922).
- Entre o Deber e o Querer (estreada postumamente en 1923).
Drama sen data coñecida[editar]
- Contrabando e Contrabanda
- O Crime da Silveira
- Vós e Nós
- Os Meus Amores
- ¡Coida Non cho Leven!
Ensaio[editar]
- El Regionalismo Gallego. Estudio Social (1892).
- Memoria Acerca de la Dramática Gallega. Causas de su Poco Desarrollo e Influencia que en el Mismo Puede Ejercer el Regionalismo (1896).+
| Predecesor: Cargo novo |
Arquiveiro/Bibliotecario da RAG 1905-1907 |
Sucesor: César Vaamonde Lores |
