Galeaza

Na Galipedia, a Wikipedia en galego.
Galeaza española do século XVI.

A galeaza (do italiano galeazza, aumentativo de galea (galera) é un tipo de galera grande que se construíu durante os séculos XV a XVII.

Construción[editar | editar a fonte]

Os venecianos foron os primeiros en construílas; as dimensións tipo dunha galeaza do século XVII podían ser 59 m de eslora, 9 m de manga e 3,35 m de calado, cun puntal de 6,5 m. Tiñan cuberta corrida, polo que os remeiros ían a cuberto, non como nas galeras, nas que ían á intemperie. Podían levar uns 20 canóns e uns 30 pedreiros. Levaban ata 32 remos por banda, e os remos podían chegar a ser de 15 m de longo, o que esixía sete ou oito homes por remo. Eran de proa redonda como as naves. A proporción de eslora a manga era menor que nas galeras, sendo de 6 a 1 e ata de 5 a 1.

Con elas pretendíase ter unha nave con máis artillería que as galeras e que soportase mellor a navegación en mar aberto. Eran máis lentas que as galeras ordinarias e tiñan unhas condicións mariñeiras bastante pobres.

A época de maior utilización foi a segunda metade do século XVI. Algunha destas naves formaron parte da batalla de Lepanto[1] e da Armada Invencible[2].

Notas[editar | editar a fonte]

  1. LA GALEAZA(en castelán)
  2. La Galeaza Atlas enciclopedico de barcos de guerra (en castelán)

Véxase tamén[editar | editar a fonte]

Bibliografía[editar | editar a fonte]

  • Enciclopedia General del Mar. Ediciones Garriga. Madrid-Barcelona 1957.

Ligazóns externas[editar | editar a fonte]