Gael García Bernal

Gael García Bernal

Biografía
Nacemento	30 de novembro de 1978 (45 anos) Guadalaxara, México
Datos persoais
Residencia	Buenos Aires Cidade de México
País de nacionalidade	Estados Unidos de América México
Educación	Central School of Speech and Drama Edron Academy (en)
Actividade
Ocupación	actor , actor de cinema , actor de televisión , director de cinema , guionista
Período de actividade	1989 -
Lingua	Lingua castelá
Familia
Parella	Dolores Fonzi (2007–2014)
Premios  Premio Globo de Ouro  Premio Marcello Mastroianni (pt)  Trophée Chopard (pt)

Gael García Bernal, nado o 30 de novembro de 1978 en Guadalaxara, Xalisco, é un actor mexicano de teatro, televisión e cinema. Tamén é produtor e director.

Televisión

Gael é fillo dos actores José Ángel García e Patricia Bernal. Iniciou con eles a súa carreira artística actuando en teatro. Aos 11 anos participou na súa primeira novela, Teresa protagonizada por Salma Hayek. Tres anos máis tarde tivo o seu primeiro papel estelar na novela El abuelo y yo ao carón de Ludwika Paleta e Diego Luna.

Cine

Foi para Londres para estudar actuación na Central School of Speech and Drama e ao volver para México actuou en curtas como De tripas corazón, que foi nomeado ao Óscar. O seu primeiro filme foi Amores perros, dirixido por Alejandro González Iñárritu no 2000. Este filme foi un éxito de recadación e foi nomeada ao óscar como mellor filme de fala non inglesa. No ano 2001 filmou Y tu mamá también, de Alfonso Cuarón, unha película cargada de sensualidade que malia non ser elixida por México para representar o seu país nos óscares, foi nomeada ao mellor guión. No 2002, actuou en El crimen del padre Amaro, baseado nun texto de Eça de Queirós, interpretando o papel que lle dá nome ao filme. Esta película foi tamén nomeada ao óscar como mellor filme de fala non inglesa. No 2004 actuou nas exitosas películas, Diarios de motocicleta do brasileiro Walter Salles, baseada na vida do Che Guevara e en La mala educación de Pedro Almodóvar.

A biografía de Gael está incluída na Enciclopedia Británica. A revista People en Español incluíu a Gael nas listaxes de Artista mellor vestido, Solteiro máis desexado e As 50 belezas latinas. A revista para homes GQ nomeouno un dos Homes do ano no 2004, a canda o estadounidense Tom Cruise e o británico Jude Law.

Novelas

• El Abuelo y yo (1992)
• Teresa (1989)

Filmografía

Ano	Título	Papel	Notas
2000	Queen of Swords	Churri	Episodio "Honor Thy Father"
2000	Amores perros	Octavio
2001	Sin Noticias de Dios	Davenport	Nomeado ó Goya ó mellor actor secundario
2001	Vidas privadas	Gustavo 'Gana' Bertolini
2001	Y tu mamá también	Julio Zapata
2001	El ojo en la nuca	Pablo Urrutia
2002	I'm with Lucy	Gabriel
2002	Fidel	Ernesto "Che" Guevara
2002	El Crimen del Padre Amaro	Padre Amaro
2003	Dreaming of Julia	Ricky
2003	Dot the I	Kit Winter
2004	Bad Education	Ángel/Juan/Zahara
2004	Diarios de motocicleta	Ernesto "Che" Guevara
2005	The King	Elvis
2006	Babel	Santiago
2006	The Science of Sleep	Stéphane	Filme francés, escrito e dirixido por Michel Gondry
2007	Déficit	Cristobal	Tamén director e produtor
2007	El Pasado	Rímini
2008	Blindness	King of Ward 3
2008	Rudo y Cursi	Tatto
2009	Mammoth	Leo Vidales
2009	The Limits of Control	Mexicano
2009	8 - 'The Letter'	-	Produtor, Escritor e Director
2010	Letters to Juliet	Victor
2010	También la lluvia	Sebastián
2010	José and Pilar	El mesmo	Documental sobre José Saramago
2011	A Little Bit of Heaven	Julian Goldstein
2011	Casa de Mi Padre	Onza
2011	The Loneliest Planet	Alex

Véxase tamén

Ligazóns externas

• Páxina de Gael García