Furafollas ibérico

Na Galipedia, a Wikipedia en galego.
Furafollas ibérico
Estado de conservación
Risco baixo (LC)
Clasificación científica
Reino: Animalia
Filo: Chordata
Clase: Mammalia
Orde: Soricomorpha
Familia: Soricidae
Subfamilia: Soricinae
Tribo: Soricini
Xénero: Sorex
Subxénero: Sorex (Sorex)
Especie: S. granarius
Nome binomial
Sorex (Sorex) granarius
Miller, 1910
Distribución Sorex granarius

Distribución Sorex granarius

O furafollas ibérico (Sorex granarius) é unha especie de mamífero soricomorfo da familia Soricidae soamente distribuída pola Península Ibérica. Descrita como unha subespecie de Sorex araneus, foi elevada á categoría de especie en 1975 debido ás súas características cariolóxicas e morfolóxicas. A súa pelaxe é de cor marrón escura carecendo de banda mediodorsal escura e o bandullo é gris amarelento. A lonxitude de testa e corpo é duns catro centímetros, sendo a cola dunhas tres cuartas partes desa lonxitude. O peso non excede os seis gramos. Ten as puntas dos dentes de cor vermella aínda que xeralmente, a diferenza de S. araneus e S. coronatus, os incisivos superiores amosan unha tonalidade máis clara.

Hábitat e distribución[editar | editar a fonte]

É un endemismo ibérico. Distribúese ao longo do Sistema Central, dende a Serra de Ayllón á Serra da Estrela, (Portugal), espallándose cara ao norte dende o río Taxo ata Galicia. Queda por confirmar a presenza ao norte do Sistema Ibérico e en certos enclaves da Cordilleira Cantábrica.

As áreas ocupadas pola musaraña ibérica caracterízanse por ter unha temperatura media anual de entre 3º e 15 °C, con invernos fríos ou moi fríos, e unha precipitación superior aos 600 mm. No Sistema Central, a especie localízase nos niveis supra- e oromediterráneo, dende os 500 aos 2.000 metros. É frecuente en faiedos, piñeirais, caralleiras e aciñeirais, así como naquelas zonas nas que o bosque autóctono foi reemprazado por campos ou bosques de Castanea sativa ou Pinus pinaster.

En Portugal está presente en case todos os hábitat arbustivos, no norte e Galicia a especie penetra na rexión eurosiberiana, onde ocupa carballeiras e plantacións de Eucalyptus e P. pinaster. No Sistema ibérico, mencionouse a súa presenza entre os 1.000 e 1.700 metros de altitude, en carballeiras, faiais e sabinais.

Situación[editar | editar a fonte]

Non parece atoparse ameazada, aínda que non existen estudos, a extensión xeográfica das súas poboacións non fai temer polo seu estado.

Notas[editar | editar a fonte]

Ligazóns externas[editar | editar a fonte]

Wikispecies-logo.svg
Wikispecies posúe unha páxina sobre: Furafollas ibérico