Fritz Lang

Na Galipedia, a Wikipedia en galego.
Fritz Lang
Bundesarchiv Bild 102-08538, Fritz Lang bei Dreharbeiten.jpg
Fritz Lang nunha filmación
Nacemento Friedrich Christian Anton Lang
5 de decembro de 1890
Viena, Austria Austria
Falecemento 2 de agosto de 1976
Los Angeles
Profesión Director de cine

Friedrich Christian Anton Lang, máis coñecido coma Fritz Lang, nado en Viena o 5 de decembro de 1890 e finado en Los Angeles o 2 de agosto de 1976, foi un director de cine austríaco que traballou en Alemaña e Estados Unidos.

Traxectoria[editar | editar a fonte]

Dificilmente clasificable, as súas películas abrangueron dende o Film Noir, o western ou o cine de espías ata o cine bélico, o aventureiro ou o melodramático. Porén, cómpre salientar a súa época alemá, con filmes como o máximo expoñente do expresionismo cinematográfico, a visionaria Metropolis (1927), ou Der Testament des Dr. Mabuse (1933; O testamento do Dr. Mabuse, en tradución literal ao galego). Da súa xeira americana pódense destacar You only live once (1936) (Só se vive unha vez) e The big heat (1953) (A grande calor; a versión castelá foi traducida como Los sobornados).

En 1933 recibiu a proposta de Joseph Goebbels de se facer cargo dos estudos alemáns de cine UFA, pero Lang, contrario ao nazismo, fuxiu cara a Francia esa mesma noite, chegando a Estados Unidos o ano seguinte.

Filmografía[editar | editar a fonte]

A filmografía de Lang podémola clasificar en función do país de rodaxe. De 1919, data da súa primeira película como director, ata 1933 filmou en Alemaña. En 1934 rodou un filme en Francia, para logo realizar as súas películas nos Estados Unidos de 1936 a 1956. En 1959 e 1960 dirixiu tres producións en Alemaña, para logo rodar a súa derradeira película en Francia en 1964.

Véxase tamén[editar | editar a fonte]

Bibliografía[editar | editar a fonte]

  • Grandes directores. Fritz Lang (2009). G.E. On-Off S.L. DVD adquirido con Xornal de Galicia.