Frieda B. Hennock

Na Galipedia, a Wikipedia en galego.

Frieda Barkin Hennock, nada o 27 de decembro de 1904 en Kovel e finada o 20 de xuño de 1960 en Nova York, foi unha avogada estadounidense.

Traxectoria[editar | editar a fonte]

Hennock naceu na Ucraína zarista nunha familia xudía que emigrou aos Estados Unidos en 1910. En Nova York estudou dereito na Brooklyn Law School e graduouse en 1924. Entre 1926 e 1948 traballou como avogada no Estado de Nova York especializándose en dereito corporativo. En 1948 Harry Truman nomeouna para servir na Comisión Federal de Comunicacións, foi a primeira muller en entrar nela[1], e tivo un papel decisivo na decisión da FCC de asignar canles ás televisións educativas [2], o que sería o xermolo da televisión pública nos Estados Unidos. En 1955 deixou a FCC volvendo ao exercicio da avogacía.

Notas[editar | editar a fonte]