HC Fribourg-Gottéron
| SC Fribourg-Gottéron | |
|---|---|
 | |
| Fundación | 1938 |
| Cidade |  Friburgo, Cantón de Friburgo Suíza |
| Estadio | BCF Arena (6.800 espectadores) |
| Liga | National League A |
| Propietario(s) | Hubert Waeber (presidente) |
| Director |  Raphaël Berger |
| Adestrador | Christian Dubé |
| Cores | Negro, branco, azul e vermello. |
| Na rede | |
| http://www.gotteron.ch | |
O Hockey Club Fribourg-Gottéron, máis coñecido como Fribourg-Gottéron ou simplemente Gottéron, é un equipo profesional de hóckey sobre xeo da cidade de Friburgo, no cantón homónimo (Suíza). Actualmente compite na National League A (NLA), a máxima categoría do hóckey sobre xeo suízo. O equipo foi o cuarto equipo en afluencia de Suíza na tempada 2012-13 con 6.537 espectadores,[1] xogando máis de 20 partidos como local co pavillón cheo durante esa tempada. Xoga os seus partidos como local no BCF Arena, un pavillón con capacidade para 6.800 espectadores.[2]
Historia[editar | editar a fonte]
O club foi fundado en 1938 polos cidadáns de Frigurgo baixo o nome de HC Gottéron. Inicialmente o equipo competía nunha pista ao aire libre, máis coñecida como Les Augustins, ata 1982, cando se construíu Patinoire St-Léonard.[3]
En 1980 o club adoptou o nome de HC Fribourg-Gottéron logo do ascenso á National League A. Tres anos despois da súa chegada á máixima categoría do hóckey sobre xeo suízo, o Fribourg-Gottéron acadaba o seu primeiro subcampionato ligueiro por detrás do EHC Biel. A pesar das dificultades financeiras do club ao longo da maior parte da súa traxectoria na NLA, o club conseguiu chegar á final da liga tres anos consecutivos (1992–94, sumados ao subcampionato ), mais nunca na súa historia gañou o campionato.
O equipo salvouse da bancarrota en 2006.[3] En 2013 conseguiu un novo subcampionato (o quinto da súa historia) tras caer derrotado na final fronte ao SC Bern en seis partidos (4-2).
Notas[editar | editar a fonte]
- ↑ "Attendance (CH)". www.hockeyarenas.net. Consultado o 31-10-2013.
- ↑ "BCF Arena". www.hockeyarenas.net. Arquivado dende o orixinal o 02-11-2013. Consultado o 31-10-2013.
- ↑ 3,0 3,1 "Fribourg-Gottéron Club Histoire". www.gotteron.ch. Consultado o 2010-08-26.
Véxase tamén[editar | editar a fonte]
 |
Wikimedia Commons ten máis contidos multimedia na categoría: HC Fribourg-Gottéron |
 |
A Galipedia ten un portal sobre: Hóckey sobre xeo |
Ligazóns externas[editar | editar a fonte]
- Sitio web oficial (en francés) (en alemán)
