Felipe de la Gándara

Felipe de la Gándara
Biografía
Nacemento	1596 ; Allariz (España)
Morte	18 de outubro de 1676 (79/80 anos); Madrid (España)
Datos persoais
País de nacionalidade	Reino de Galicia
Relixión	Igrexa católica
Actividade
Ocupación	sacerdote católico , historiador , xenealoxista
Orde relixiosa	Orde de Santo Agostiño

Felipe de la Gándara y Ulloa, tamén coñecido como Felipe da Gándara,^[1] nado en Allariz en 1596 e finado en Madrid o 18 de outubro de 1676, foi un humanista galego do século XVII.

Traxectoria[editar | editar a fonte]

Profesou como membro da Orde de Santo Agostiño en Salamanca en 1615, e foi elixido mestre da orde en 1656. A Xunta do Reino de Galiza nomeouno cronista do reino de Galiza. Escribiu diversas obras entre as que destaca Armas y Triunfos. Hechos heroicos de los hijos de Galicia (1662), unha destacada obra xenealóxica en forma de alegación en defensa dos nobres galegos e da súa orixe.

Obra[editar | editar a fonte]

Armas i triunfos. Hechos heroicos, de los hijos de Galicia. Elogios de su nobleza, i de la maior de España, i Europa. Resumen de los servicios que este Reino á echo á la Magestad del Rei Felipe IV nuestro Señor (1662). Madrid; editado por Pablo de Val. 682 páxinas e 1 lámina (escudo de Alonso de Oca). En 1677, reeditouse, aínda que con 664 páxinas. En 1970 editouse un facsímile dentro da colección Bibliófilos Gallegos, cunha introdución de José Filgueira Valverde.
Descripción, armas, origen y descendencia de la muy noble, y antigua Casa de Calderón de la Barca, y sus sucessiones continuadas, que escrivió el Rmo. P. M. Fr. Phelipe de la Gándara... (1753). Madrid; editado por Juan de Zúñiga. 302 páxinas. Obra póstuma.
El Cisne occidental canta las palmas y trivnfos eclesiasticos de Galicia. Ganados por svs hijos insignes, santos, y varones ilustres, y ilustrissimos martires, pontifices, virgenes, confessores, doctores, y escritores, que los han merecido en la iglesia militante, para reinar con Dios en la triunfante. Obra postvma, Madrid: Julián de Paredes, 1678, 2 vols. Reeditada na Coruña, Orbigo, imp. 2007.