František Palacký

František Palacký
	;
Biografía
Nacemento	14 de xuño de 1798 ; Hodslavice (pt)
Morte	26 de maio de 1876 (77 anos); Praga
Member of the Austrian Reichstag (en)
Member of the Bohemian Diet (en)
Datos persoais
País de nacionalidade	Imperio Austrohúngaro ; Imperio Austríaco
Relixión	Evangelical Church in Austria (1781-1918) (en)
Actividade
Ocupación	escritor , editor literario , especialista en literatura , esteticista , cultural worker (en) , teórico literario , historiador da literatura , tradutor , poeta , filósofo , arquiveiro , historiador , heraldista , político , xornalista , editor colaborador
Partido político	Old Czech Party (en)
Membro de	Serbian Learned Society (en) (membro honorário (pt) ) (1869–1876); Academia Austríaca de Ciencias (1847–); Academia de Ciencias de Hungría ; Academia Prusiana das Ciencias ; Q11993002 ; Academia das Ciencias de San Petersburgo ; Academia de Ciências da Baviera (pt) ; Academia de Ciências de Göttingen (pt) ; Towarzystwo Naukowe Krakowskie (en)
Lingua	Lingua alemá e lingua checa
Familia
Cónxuxe	Terezie Měchurová (en)
Fillos	Jan Palacký (en) , Marie Riegrová-Palacká (en)
Pai	Jiří Palacký (en)
	Premios (15 de setembro de 1861) Honorary citizenship of Kolín (en) ; (16 de abril de 1861) honorary citizen of Hradec Králové (en) ; (27 de marzo de 1861) honorary citizen of Chrudim (en) ; (1848) honorary citizen of Prague (en) ; Honorary citizenship of Pardubice (en) ; Knight Commander of the Order of the Iron Crown (Austria) (en) ; Honorary citizenship of Adamov (en) ;
	Sinatura

František Palacký, nado en Hodslavice (Moravia) o 14 de xuño de 1798 e finado en Praga o 26 de maio de 1876, foi un historiador e político checo.

Traxectoria[editar | editar a fonte]

Descendente dunha familia husita que mantivera secretamente as súas crenzas protestantes durante o período de persecución relixiosa, František Palacký estudou dende 1812 no Liceo Luterano de Bratislava, alí coñeceu ao filólogo Jozef Šafárik quen lle transmitiu o amor polas linguas eslavas.

En 1823, Palacký, estableceuse en Praga, a súa amizade con Josef Dobrovský permitiulle entrar en contacto co conde Sternberg, fundador da Sociedade do Museo Bohemio e cando en 1825 saíu o seu xornal, Časopis českého musea Palacký converteuse no seu editor, ao primeiro o xornal publicábase en checo e alemán, máis adiante só sairía en checo para converterse no máis importante órgano literario de Bohemia.

A obra capital de Palacký foi a monumental Geschichte von Böhmen, a historia de Bohemia ata 1526 cando deixou de ser un estado independente, publicouna en cinco volumes entre 1836 e 1867 e tivo que percorrer os arquivos locais de Bohemia e as bibliotecas das principais cidades europeas, a obra converteuse nun clásico da historiografía checa, publicada orixinalmente en alemán ao pouco tempo saíu traducida ao checo. En 1848 cando se eliminou a policía encargada da censura, Palacký publicou unha nova versión das obras xa publicadas coa versión orixinal antes de ser revisada polos censores que consideraban parte dos seus estamentos críticos coa actuación da Igrexa católica.

Tras a revolución de 1848 Palacký entrou no Reichstag no outono dese ano, foi membro do Congreso Eslavo de Praga, politicamente era partidario dun imperio austríaco forte que debía consistir nunha federación de xermanos do sur e estados eslavos, permitindo a conservación dos dereitos de cada pobo, esta teoría coñeceuse como austroeslavismo e chegóuselle mesmo a ofrecer un ministerio no equipo de Franz von Pillersdorf pero o triunfo do partido reaccionario en 1852 supuxo a súa retirada da política. Volveu como membro vitalicio do senado en 1861 e como membro do Landtag de Bohemia onde se converteu no líder do Partido Nacional Checo que propuña o establecemento dun reino checo que abranguese Bohemia, Moravia e Silesia.