Francisco Rodríguez
Francisco Rodríguez Sánchez, nado en Serantes, Ferrol, o 22 de novembro de 1945, é un político e crítico literario galego.
Índice |
[editar] Traxectoria
[editar] Política
Foi elixido deputado no Parlamento de Galiza en 1993 polo Bloque Nacionalista Galego e deputado no Congreso dos Deputados dende 1996 ata 2008. Actualmente é Secretario Xeral da Unión do Povo Galego, así como membro do Consello Nacional do BNG e da súa Executiva, sendo o Secretario de Formación do partido.
[editar] Literatura
Cursou Historia e Filoloxía Románica (sección de Hispánicas) na Universidade de Madrid, doutorándose pola Universidade de Santiago en 1988. En 1968 gaña as oposicións de agregado de Lingua e Literatura españolas de bacharelato, exercendo a docencia en Albacete (1969-1971) e Ourense (1971-1973). En 1973 gaña as oposicións a catedrático de instituto, desempeñando as súas funcións como profesor en Cangas do Morrazo (1974-1976), Puerto Real (Cádiz), Carballo (1976-1979), A Estrada (1985) e Ferrol (1995).
Alén de publicar diversos libros sobre literatura galega, é autor tamén de obras coma Galiza, razón de ser, recompilación de artigos publicados na imprensa diaria ao longo do período que abarca a VI Lexislatura do Congreso dos Deputados (1996-2000).
[editar] Obra
[editar] Ensaio
- A evolución ideolóxica de Manuel Curros Enríquez, 1972, Galaxia. 2ª edición de 1995, en A Nosa Terra.
- Conflicto lingüistico e ideoloxía en Galiza, 1976, Xistral, 2ª edición de 1999 en Laiovento.
- Análise sociolóxica da obra de Rosalía de Castro, 1988, AS-PG.
- Eduardo Blanco Amor, o desacougo da nación negada, 1993, Edicións do Cumio.
- Galiza, razón de ser, 2000, Terra e Tempo.
- Rosalía de Castro, estranxeira na súa patria, 2010, AS-PG.
- Rosalía de Castro: a persoa e a obra, de onte a hoxe, 2011.
[editar] Conversas
- A nación galega existe: conversas con Francisco Rodríguez, con Xosé Mexuto, 2006, A Nosa Terra.
[editar] Obras colectivas
- Problemática nacional e colonialismo. O caso galego, 1978, Xistral. Con Ramón López-Suevos.
- Problemática das línguas sen normalizar. Situación do galego e alternativas, 1980, AS-PG/Xistral.
- A nosa literatura: unha interpretación para hoxe. II, 1985, Xistral.
- Literatura feminina e feminista da segunda metade do século XIX: antoloxía, 1996, AS-PG/A Nosa Terra. Edición con Pilar García Negro e Anxo Gómez Sánchez.
- A paixón por transformar: 25 anos da UMG, 2003, Terra e Tempo.
- Marcos Valcárcel. O valor da xenerosidade, 2009, Difusora.
- Moncho Reboiras. O nacionalismo galego nos anos 70, 2009, Fundación Bautista Álvarez.
[editar] Obra en castelán
[editar] Obras colectivas
- La lengua, en Los Gallegos, 1976, Istmo, Madrid.
