Francisco Llano de la Encomienda

Na Galipedia, a Wikipedia en galego.
Francisco Llano de la Encomienda
Nacemento17 de decembro de 1879
Lugar de nacementoCeuta
Falecemento31 de decembro de 1963
Lugar de falecementoCidade de México
NacionalidadeEspaña
Ocupaciónmilitar
FillosLuis de Llano Palmer
PremiosMedalla Militar, Cross of the Military Merit - Red Decoration, Cross of the Royal and Military Order of Saint Hermenegild e Medalla de sufrimentos pola patria
editar datos en Wikidata ]

Francisco Llano de la Encomienda, nado en Ceuta en 1877, finado na Cidade de México o 31 de decembro de 1963, foi un militar español leal á Segunda República.

Nado en Ceuta en 1877, ingresa na Academia Militar de Toledo con catorce anos, da que sairá co grao de alférez tres anos despois. Combina destinos peninsulares e en África, e cando se proclama a República posiciónase como un dos seus defensores. Durante a etapa republicana ascende de rango pouco a pouco, e en 1936 o Goberno do Fronte Popular encomendaralle o mando da 4ª División Orgánica con sede en Barcelona. Dada a lealdade probada do xeneral cara ao goberno, a sublevación militar do 18 de xullo faise ás súas costas, e cando estala vese incapaz de controlala mediante a aplicación da súa autoridade como máximo mando militar da división, sendo detido a punta de pistola por un dos seus oficiais sublevados.

Tras o fracaso da rebelión militar en Cataluña é posto en liberdade, concedéndolle o goberno a xefatura do Exército do Norte ata xuño de 1937. Ocupará cargos administrativos ata o final da guerra, tras a cal se exilia á Cidade de México, na que falecerá en 1963