Francisco Leal Insua

Francisco Leal Insua

Biografía
Nacemento	10 de maio de 1910 Viveiro, España
Morte	12 de xullo de 1997 (87 anos) Madrid, España
Datos persoais
País de nacionalidade	España
Actividade
Ocupación	xornalista , escritor
Xénero artístico	Poesía, ensaio
Lingua	Lingua castelá
Familia
Cónxuxe	Xulia Minguillón
Premios (1995)  Medalla Castelao

Francisco Leal Insua, nado en Viveiro o 10 de maio de 1910 e finado en Madrid o 12 de xullo de 1997, foi un escritor e xornalista galego.

Traxectoria

Comezou a colaborar nos xornais de Viveiro e de Vilalba e, despois, no semanario Vallibria de Mondoñedo, onde coincidiu con Francisco Fernández del Riego, Aquilino Iglesia Alvariño e Álvaro Cunqueiro. En 1933 colaborou con ABC e Mundo Gráfico e Nuevo Mundo, de Madrid. Foi redactor xefe de El Progreso (1938) e director de Faro de Vigo (1949-1961), El Correo Gallego, La Noche e da revista internacional Mundo Hispánico (1961). Tamén foi director de publicacións da axencia de noticias EFE. Na súa obra poética mesturou elementos procedentes das fontes clásicas xunto a outras tendencias líricas do século XX sen moita artificiosidade. Promoveu a edición da obra poética completa de Antonio Noriega Varela. Recibiu o Premio Internacional de Poesía en Lisboa (1943), o Premio Nacional de Periodismo Marqueses de Taurisano (1963) e a Medalla Castelao (1995).

Casou en 1939 coa pintora Xulia Minguillón.

Obras

Poesía

• Horas, 1935.
• Te he buscado, 1939.
• Versos: 1ª antología, 1945.
• Primer semillero de poemas, 1952.
• Trivium, 1955.

• Mi soledad sonora, 1955.

Ensaio

• Las cosas, 1941.
• Faro de Vigo y su proyección, 1965. Con José Altabella.
• Pastor Díaz, príncipe del romanticismo, 1943.
• La siembra en el viento, 1955.

Véxase tamén

Bibliografía

• Gran Enciclopedia Gallega