Francisco Buyo

Francisco Buyo

Información persoal
Nome completo	Francisco Buyo Sánchez
Nacemento	13 de xaneiro de 1958 (55 anos)
Lugar	Betanzos, Galicia
Altura	1,79 m.
Posición	Porteiro
Carreira xuvenil
1972–1973	Ural
1973–1975	Betanzos
Carreira sénior
Anos	Equipos	Aprs†	(Gls)†
1975–1976	Mallorca	16	(0)
1976–1980	Deportivo da Coruña	122	(0)
1978–1979	→ Huesca (cedido)
1980–1986	Sevilla	199	(0)
1986–1997	Real Madrid	343	(0)
Selección nacional
1977	España sub-20	3	(0)
1977–1978	España sub-21	3	(0)
1979–1987	España sub-23	4	(0)
1979–1983	España amateur	11	(0)
1980	España B	1	(0)
1983–1992	España	7	(0)
* Partidos e goles só en liga doméstica. † Aparicións (Goles)

Francisco Buyo Sánchez, nado en Betanzos o 13 de xaneiro de 1958, é un ex futbolista galego. Xogaba de porteiro e foi internacional coa selección española.

Traxectoria

Nos seus comezos no Ural CF, Buyo xogaba tanto de porteiro como de extremo dereito, sendo no seu único ano no combinado coruñés o máximo goleador do equipo. Ó ano seguinte fichou polo Betanzos CF, onde permaneceu ata a súa fichaxe polo Mallorca. Non tardou en fixarse nas súas cualidades como porteiro o Deportivo de La Coruña, que entón xogaba na Segunda División, e que xa intentara facerse cos seus servizos. Esa tempada debutou como internacional sub-21, participando posteriormente nos Xogos Olímpicos de 1980 de Moscova.

Buyo permaneceu na entidade coruñesa ata 1980, cunha paréntese dunha tempada (1978–79) na que foi cedido ó Huesca mentras realizaba o servizo militar en Jaca. Na tempada 1980–81 deu o salto á Primeira División, fichando polo Sevilla, e acadando en seguida a titularidade. Militaba no equipo do hispaliense cando acadou, en 1983, a internacionalidade absoluta con España, defendendo os colores da selección no histórico partido España-Malta que daría o pase á escadra vermella para a Eurocopa de 1984, e encaixando un gol, o que probablemente lle pechou o camiño a seguir na Selección.

A súa indiscutible titularidade e bo facer no Sevilla fixeron que se fixase nel o Real Madrid, que se fixo cos seus servizos en 1986. Neste club recibiu o alcume de "San Francisco de Betanzos", sendo o cancerbeiro titular ata 1996. En 1997 abandonou a plantilla merengue e colgou as botas.

Foi un dos porteiros máis seguros e espectaculares da Liga. Destacou especialmente en partidos como o disputado fronte á Juventus no Santiago Bernabéu na Copa de Europa de 1986–87. Xogou en total 542 partidos en Primera División, sendo o primeiro xogador en acadar a cifra de 500 partidos.

En 1998 concedéuselle a Medalla ó Mérito no Traballo. Actualmente é comentarista de partidos de fútbol para a TVE.

Palmarés

Club

Real Madrid

• Liga de España (6): 1986–87, 1987–88, 1988–89, 1989–90, 1994–95, 1996–97
• Copa do Rei (2): 1988–89, 1992–93
• Supercopa de España (4): 1988, 1989, 1990, 1993

País

• Eurocopa: Finalista 1984

Individual

• Trofeo Zamora (2): 1987–88, 1991–92

Véxase tamén

Ligazóns externas

• Datos do xogador en bdfutbol.com (en castelán)
• Buyo como xogador da selección española (en castelán)
• Historial de Buyo en RealMadridFans.org (en castelán)