Francisco Blanco

Francisco Blanco
	;
Biografía
Nacemento	18 de setembro de 1570 ; O Tameirón
Morte	5 de febreiro de 1597 (26 anos); Nagasaki
Causa da morte	Pena de morte
Datos persoais
País de nacionalidade	España
Relixión	Igrexa católica
Educación	Universidade de Salamanca
Actividade
Ocupación	Sacerdote católico de rito romano
Lingua	Lingua castelá
Orde relixiosa	Orde Franciscana e Orde dos Freires Menores
Enaltecemento
	santo ;
Día de festividade relixiosa	6 de febreiro

Para outras páxinas con títulos homónimos véxase: Francisco Blanco (homónimos).

Francisco Blanco, nado no Tameirón (A Gudiña) o 18 de setembro de 1570 e finado en Nagasaki o 5 de febreiro de 1597, foi un relixioso católico galego.

Traxectoria[editar | editar a fonte]

Estudou no colexio dos xesuítas en Monterrei e máis tarde iniciou os estudos de Dereito na Universidade de Salamanca. Ingresou na orde franciscana en Villalpando, e estudou Filosofía no convento de Santo Antón de Salamanca. Doente, pasou un tempo no convento de San Francisco de Pontevedra e cara a 1592 marchou a Sevilla xunto con outros vinte e oito franciscanos galegos coa idea de embarcarse cara a América como misioneiro.

Foi ordenado sacerdote en México, e despois estivo en Manila (Filipinas). Finalmente, decidiu predicar o cristianismo no Xapón, país especialmente hostil cos misioneiros. Foi martirizado cruelmente naquel país: no monte Tetayama foi crucificado e atravesado de parte a parte por dúas lanzas. Con el foron executados dezaseis terciarios, seis franciscanos e dous xesuítas.

Veneración[editar | editar a fonte]

A Igrexa católica, concretamente o Papa Pío IX, canonizouno o 8 de xuño de 1862.

Na súa parroquia natal do Tameirón consérvase unha reliquia, un óso dun dedo maimiño^[1]. O seu cranio consérvase en Outarelo (O Barco de Valdeorras)^[2].