Francesco Morone
Na Galipedia, a Wikipedia en galego.
Francesco Morone, nado en Verona cara a 1471 e finado o 16 de maio de 1529, foi un pintor italiano do Renacemento.
Biografía [editar]
Fillo e alumno de Domenico Morone, inspirouse na obra deste, pero foi nidiamente influenciado pola arte de Giovanni Bellini, Antonello da Messina e Andrea Mantegna, como é evidente na Crucifixión (asinada e datada en 1498), conservada na igrexa de San Bernardino de Verona. Nos anos de transición do século XVI o seu estilo fíxose máis mórbido, aproximándose ao leonardesco de Francesco Bonsignori, como nas dúas versións da Madonna con Neno da Pinacoteca de Brera e da National Gallery de Londres, no Sansón e Dalila do Museo Poldi Pezzoli ou nos frescos de Santa Clara en Verona).
