Francesco Borromini

Fachada do Oratorio dos Filipinos, 1637-1643. Borromino contrapón á concavidade xeral o pórtico convexo mentres a serie de fiestras recorda ós palacios, o ladrillo tratado con preciosismo substitúe o mármore

Francesco Borromini, alcume de Francesco Castelli, nado o 25 de setembro de 1599 e finado o 3 de agosto de 1667, foi un arquitecto barroco italiano.

Traxectoria

Borromini, afastado da alegoría, amosa a súa preocupación polo dominio do espazo que se corresponde coa situación do home no mundo e coa súa actividade, espiritual e materialmente sempre cambiante, o que confire á súa arquitectura un carácter dramático e revolucionario.