Francesc Savalls

Na Galipedia, a Wikipedia en galego.
Mariscal Francesc Savalls i Massot

Francesc Savalls i Masotnado en La Pera (Baix Empordà) en 1817 e finado en Niza en 1886, foi un militar e guerrilleiro carlista catalán.

Traxectoria[editar | editar a fonte]

Naceu no seo dunha familia de propietarios rurais do Empordà, foi capitán na Primeira Guerra Carlista e en 1840 marchou ao exilio a Francia, volveu en 1842 para se unir a unha partida de trabucaires. Participou na Segunda Guerra Carlista e tras a derrota instalouse en Niza e participou nos exércitos de Módena e dos Estados Pontificios.

Durante a Terceira Guerra Carlista ás ordes de José Estartús e realizou unha frenética actividade á fronte dunha partida, converténdose nunha figura mítica para as outras partidas carlistas catalás. Enfrontado a Afonso Carlos, representante en Cataluña e irmán do pretendente, conseguiu manterse no seu posto e tras a batalla de Alpens (1874), o pretendente deulle o título de marqués de Alpens. En 1874 conseguiu tomar Olot e en 1875 Carlos nomeouno capitán xeneral de Cataluña. Tras o asedio e captura de La Seu d'Urgell, Savalls foi destituído e en outubro de 1875 marchou definitivamente a Niza.