Forno dos Mouros (Toques)

Para outras páxinas con títulos homónimos véxase: Forno dos Mouros.

Forno dos Mouros
Ben de Interese Cultural
Vista xeral, en primeiro termo o Camiño Real
Localización
País	Galiza
concello	Toques
Parroquia	Paradela
Localidade	Muruxosa
Coordenadas	43°00′37″N 7°58′53″O
Datos xerais
Categoría	Monumento
Construción	Prehistoria -
Estilo	Megalitismo
Mapa de localización
Forno dos Mouros

O Forno dos Mouros é un dolmen datado no 3.000 antes da era actual. Está situado no lugar da Muruxosa (Paradela, Toques), na serra do Bocelo, preto do Camiño Real.

Accións

O dolmen coas vigas antes da súa consolidación.

Foi escavado por Jacobo Vaquero, da Universidade de Santiago de Compostela, entre 1987 e 1989. Ten cámara poligonal composta de sete ortóstatos e corredor de dous tramos. No interior apareceron restos de pintura vermella e negra sobre unha base branca, en forma de zig-zags .

No verán de 2009 un equipo do Consello Superior de Investigacións Científicas (CSIC) estivo a traballar na consolidación do dolmen quitando as vigas de ferro que sostiñan a lousa do teito. Ó mesmo tempo, un equipo da Escola Superior de Conservación e Restauración de Bens Culturais de Galicia, dirixido por Fernando Carrera, documentou as pinturas e dirixiu o seu tapado. O principal propósito da intervención conxunta era a mellora das condicións de conservación do monumento, especialmente para garantir a preservación futura das pinturas.

Foi declarado Ben de Interese Cultural en 2011.

Galería de imaxes

• 
  Vista xeral.
• 
  Vista corredor.
• 

Véxase tamén

Bibliografía

• Carballo Arceo, Xulio (xullo de 2006). Arqueoloxía de Galicia. Itinerarios polo pasado. Nigra Trea. ISBN 84-95364-40-9. 

Outros artigos

• Lista de megálitos de Galicia

Ligazóns externas

• Dolmen de Forno dos Mouros A Maruxosa no sitio web do concello de Toques
• Ficha de Turgalicia
• Forno dos Mouros de Toques - Burial Chamber (Dolmen) in Spain in Galicia (en inglés)
• O campaneiforme cordado de Forno dos Mouros (Toques, A Coruña). Cuadernos de Estudios Gallegos (en castelán)