Folosa grande
| Folosa grande | ||||||||||||
|---|---|---|---|---|---|---|---|---|---|---|---|---|
.jpg) |
||||||||||||
| Estado de conservación | ||||||||||||
|
||||||||||||
| Clasificación científica | ||||||||||||
|
||||||||||||
| Nome científico | ||||||||||||
| Acrocephalus arundinaceus | ||||||||||||
 Coñeza toda a Bioloxía en Wikispecies, o directorio dos seres vivos |
A folosa grande (Acrocephalus arundinaceus) é un paxaro da familia dos sílvidos (Sylviidae)
Índice |
[editar] Descrición
O corpo mide uns 19 cm e ten unha envergadura de alas é de 28 cm, o que a converte na meirande das folosas europeas. Pesa entre 25 e 36 gramos. A parte superior do seu corpo é castaña, a inferior de cor branca tirando a amarela. A gorxa é branca e ten unha banda branca característica sobre dos ollos. O peteiro é forte. Machos e femias comparten a mesma coloración.
[editar] Distribución xeográfica e hábitat
Vive en case toda Europa entre abril e setembro, en Asía ten unha distrubución amplia, chegando a China e Corea. Os exemplares europeos pasan o inverno na África tropical e do sur. Fan a emigración en grandes etapas, interrompidas por pausas longas, que poden durar semanas, nas que procura recupera-las súas reservas de graxa para poder segui-lo seu camiño.
Vive nos canavais e entre as plantas das ribeiras de lagos, estanques, ríos e pantanos.
[editar] Alimentación e reprodución
Chouta e agatuña con axilidade entre as canas para alimentarse de arañas, insectos e larvas, cágados e baias. Maduran sexualmente ó ano de vida. A época reprodutora en Europa ten o seu cumio entre maio e xullo. Fai un niño de herbas e xuncos con xeito de cunca que agachado entre as plantas acuáticas suxeito a tres ou catro canas e pendurando sobre da auga. A femia pon de 4 a 6 ovos que son chocados entre 12 e 14 días. Os seus niños son paras con frecuencia polos cucos.
[editar] Sistemática
Recoñécense dúas subespecies:
- Acrocephalus arundinaceus arundinaceus de Europa, o noroeste de ¨África do norte, Turquía e o Oriente próximo ata a cunca do río Volga.
- Acrocephalus arundinaceus zarudnyi do norte de Iraq, Irán, Afganistán, Uzbequistán, Taxiquistán, Mongolia e oeste da China (Sinkiang).
As vellas subespecies A.a. griseldis de Iraq, e A.a. orientalis de Sinkiang e leste de Mongolia, cunca inferior do río Amur e do Xapón son consideradas agora dúas especies separadas: Acrocephalus griseldis e Acrocephalus orientalis.
