Flora invasora de Galicia

Engadir ligazóns
Na Galipedia, a Wikipedia en galego.
A carriza da Pampa, ornamental invasora en Galicia, Alvedro, A Coruña.

A flora invasora de Galicia é o conxunto de especies plantas que foi transportado e introducido polo ser humano en Galicia, fóra da súa área de distribución natural. Estas especies conseguiron establecerse e espallarse resultando as máis das veces daniñas ecolóxica e/ou paisaxisticamente. Que unha especie vexetal invasora resulta daniña significa que produce cambios importantes na composición, a estrutura ou os procesos dos ecosistemas naturais ou seminaturais, pondo en perigo a diversidade biolóxica nativa (en diversidade de especies, diversidade dentro das poboacións ou diversidade de ecosistemas).

Certas especies vexetais teñen un comportamento invasor nas localidades de introdución, sendo máis susceptíbeis os hábitats alterados ou degradados, como por exemplo en terreos despois dos lumes. O principal problema a nivel ecolóxico é a perda de diversidade autóctona. Os casos máis soados en Galicia son o do eucalipto na costa e o da mimosa no sur do país, especialmente na Comarca do Ribeiro en Ourense.[Cómpre referencia]

O control e erradicación é custoso e non sempre posible. Identificar os invasores potenciais e evitar o seu establecemento é o mellor camiño para frear un problema que incrementa ao mesmo ritmo que a globalización. Considéranse medios mecánicos, biolóxicos e químicos.

A introdución das especies é polo xeral recente. Algunhas árbores coma o castiñeiro pénsase que foron introducidas polos romanos hai uns 2000 anos, porén non pode considerarse daniña nin invasora, malia terse naturalizado. O mesmo ocorre co piñeiro bravo, quizais introducido dende Portugal no século XVIII. A verdadeira flora invasora introdúcese a partir de finais do século XIX e especialmente coas reforestacións masivas efectuadas durante o franquismo. Deste xeito entraron en Galicia, eucaliptos, robinias e acacias. A mimosa plantouse para fixar os noiros do camiño de ferro. Recentemente estanse a espallar outras especies como a árbore do ceo (plantada como ornamental), a carriza da Pampa (plantada como ornamental nas autoestradas galegas) ou a herba do coitelo ou uña de gato (plantada nas praias).[Cómpre referencia]

Listaxe de plantas invasoras en Galicia[editar | editar a fonte]

A seguir dáse unha relación das especies foráneas introducidas polo home e distribuídas en Galicia:

Nome científico Nome común Imaxe
Acacia dealbata[1] Mimosa, acacia, alcacia[1]
Acacia longifolia[2]
Acacia melanoxylon[2]
Achyrocline satureioides[2]
Agave (xénero)[2]
Ailanthus altissima[1] Árbore do ceo, ailanto
Amaranthus retroflexus[1] Amaranto, herba pulgueira, beldro, herba pexegueira[3]
Arctotheca calendula[1] Arctotheca
Arundo donax[1] Cana, falso bambú
Azolla (xénero)[2] Fento de auga
Bambusoideae (subfamilia)[2]
Bacopa monnieri[1] Bacopa anana
Bidens aurea[1] Té de horta
Bidens frondosa[2]
Buddleja davidii[1] Lilar
Canna indica[2] Lilar
Carpobrotus edulis[1] Herba do coitelo, uña de gato
Chasmanthe (xénero)[2]
Chasmanthe aethiopica[4]
Chasmanthe floribunda[5]
Conyza bonaeriensis[2]
Conyza canadensis[1] Eixerón
Cortaderia (xénero)[2]
Cortaderia selloana[1] Herba da Pampa, carrizo da Pampa
Cotula coronopifolia[1] Santolina de auga[6]
Crocosmia x crocosmiiflora[1] Crocosmia
Cuscuta campestris[2]
Cyperus eragrostis[1] Xunca olorosa
Egeria densa[1] Elodea densa
Erigeron karvinskianus[2]
Eichhornia crassipes[2]
Eucalyptus globulus[2] Eucalipto azul, eucalipto;[2]
Fallopia baldschuanica[2]
Helichrysum petiolare[1] Sempreviva, herba de San Pedro
Ipomoea indica[1] Campaíña
Lantana camara[2]
Lonicera japonica[2]
Ludwigia grandiflora[1] Ludwigia
Myriophyllum aquaticum[2]
Oenothera (xénero)[2]
Oenothera glazioviana[1] Herba do asno[7], onagra, boas noites
Oenothera longiflora[2]
Oenothera rosea[2]
Oenothera stricta[2]
Opuntia (xénero)[2]
Oxalis pes-caprae[1] pan de cuco, vinagreta
Paspalum dilatatum[1] Pasto mel
Paspalum paspalodes[2]
Paspalum vaginatum[2]
Phytolacca americana[1] Herba carmín, herba tintureira
Pittosporum tobira[2]
Polygonum capitatum[2]
Reynoutria japonica[1] Herba nodosa xaponesa[8]
Robinia pseudoacacia[1] Falsa acacia
Roldana petasitis[2]
Senecio angulatus[2]
Senecio mikanioides[1] Sebes
Senecio tamoides[2]
Spartina patens[1] Espartina
Stenotaphrum secundatum[1] Gramón, grama americana, grama galega, grama de santo Agostiño;
Tradescantia fluminensis[1] Orella de gato
Tropaeolum majus[1] Chagas[9], flor de sangue
Vinca difformis[1] Herba da envexa, pervinca, cangroia [10]
Vinca major[2]
Vinca minor[2]
Zantedeschia aethiopica[2] Cala

Notas[editar | editar a fonte]

  1. ↑ 1,00 1,01 1,02 1,03 1,04 1,05 1,06 1,07 1,08 1,09 1,10 1,11 1,12 1,13 1,14 1,15 1,16 1,17 1,18 1,19 1,20 1,21 1,22 1,23 1,24 1,25 1,26 1,27 1,28 1,29 1,30 Flora: Especies invasoras (Consellería de Medio Ambiente, Territorio e Infraestruturas) [consultada o 28.07.2023]
  2. ↑ 2,00 2,01 2,02 2,03 2,04 2,05 2,06 2,07 2,08 2,09 2,10 2,11 2,12 2,13 2,14 2,15 2,16 2,17 2,18 2,19 2,20 2,21 2,22 2,23 2,24 2,25 2,26 2,27 2,28 2,29 2,30 2,31 2,32 2,33 2,34 Fichas identificativas de Especies exóticas invasoras
  3. ↑ Diccionario das ciencias da natureza e da saúde (A-C). A Coruña, Deputación da Coruña, 2000. Termos esenciais de botánica. Santiago de Compostela, Universidade, 2004. Gran dicionario Xerais da lingua galega. Vigo, Xerais, 2009
  4. ↑ Chasmante spp
  5. ↑ Chasmante spp
  6. ↑ Vocabulario multilingüe de organismos acuáticos. Santiago de Compostela, Centro Ramón Piñeiro para a Investigación en Humanidades, 2000
  7. ↑ Termos esenciais de botánica. Santiago de Compostela, Universidade, 2004
  8. ↑ "Real decreto 630/2013, do 2 de agosto, polo que se regula o Catálogo español de especies exóticas invasoras." (PDF). Boletín Oficial do Estado. Suplemento en lingua galega ao núm. 185. Consultado o 08/03/2017. 
  9. ↑ Diccionario das ciencias da natureza e da saúde (A-C). A Coruña, Deputación da Coruña, 2000. Vocabulario de ciencias naturais. Santiago de Compostela, Xunta, 1991
  10. ↑ Termos esenciais de botánica. Santiago de Compostela, 2004

Véxase tamén[editar | editar a fonte]

Outros artigos[editar | editar a fonte]

Ligazóns externas[editar | editar a fonte]

Traído desde «https://gl.wikipedia.org/w/index.php?title=Flora_invasora_de_Galicia&oldid=6513208»