Fiorella Faltoyano

Fiorella Faltoyano

Biografía
Nacemento	19 de outubro de 1949 (74 anos) Málaga, España
Datos persoais
País de nacionalidade	España
Actividade
Ocupación	actriz , actriz de cinema
Período de actividade	1966 -
Lingua	Lingua castelá
Familia
Cónxuxe	José Luis Tafur (en)
Parella	Fernando Méndez-Leite (pt)

María Blanca Fiorella Renzi Gil, coñecida como Fiorella Faltoyano, nada en Málaga o 19 de outubro de 1949 é unha actriz española de orixe galega.

Traxectoria

Orixe familiar

Cando naceu Fiorella Faltoyano coñeceu unicamente a súa nai, María Asunción Gil Paradela (1921-2007), filla á súa vez do político católico afincado en Monforte de Lemos Andrés Gil Municio (falecido en 1957). Quen lle deu o apelido Renzi foi o italiano Giovanni Renzi, que casou daquela coa nai, mentres que o nome artístico llo deu a parella posterior da súa nai, o empresario malagueño Constantino Faltoyano, e que foi tamén o pai dos seus dous medio-irmáns, Mauricio e Constantino, tamén empresarios.

O nome do pai non se soubo ata o ano 2012, cando unhas probas de ADN sinalaron a quen fora alcalde de Pantón, Ramón Pardo Arias, falecido en 1998. Pardo Arias e Gil Paradela foran mozos durante varios anos, pero ao pouco de quedar embarazada a nai de Fiorella Faltoyano separáronse para sempre.

Carreira artística

De nena viviu en Málaga e en Madrid. Cursou estudos dramáticos e en 1967 debutou coa compañía teatral de Nati Mistral. Case ao mesmo tempo aparece no filme Club de solteros, de Pedro Mario Herrero e acada popularidade como actriz nos programas de teatro en televisión Hora once, Teatro de siempre, Estudio 1 ou Novela e como presentadora do espectáculo ¡Señoras y señores!, na versión realizada por José María Quero en 1974-75.

En 1977 logra o seu maior éxito cinematográfico como protagonista de Asignatura pendiente, de José Luis Garci, xunto a José Sacristán. Con Garci e Sacristán repite en Solos en la madrugada (1978) e en Canción de cuna (1994). Roda outras películas, entre elas La colmena (1982) e Después del sueño (1992), de Mario Camus; ¡Biba la banda! (Ricardo Palacios, 1987); La sombra del ciprés es alargada (Luis Alcoriza, 1990) e La sal de la vida (Eugenio Martín, 1996).

Paralelamente potenciou a súa carreira televisiva, ao participar en La máscara negra (1982), Tango (1991), La Regenta (1995), Hermanos de leche (1994-95), Cuéntame cómo pasó (2003-04), Obsesión (2005), Hospital Central (2006), Alfonso, el príncipe maldito (2010) ou Amar en tiempos revueltos (2011).

Para o teatro protagonizou Ellas, la extraña pareja (2001-02), La calumnia (2004-07), Agnes de Dios (2007-09) e Galdosiana (2009-10), obras en que compartiu cartel e labores de produción coa actriz Cristina Higueras a través da súa compañía Nueva Comedia.

Obra

Filmografía

• El Síndrome Martins (1999), de Jaime Magdalena.
• La sal de la vida (1995), de Eugenio Martín.
• Canción de cuna (1994), de José Luis Garci.
• Tocando fondo (1993), de José Luis Cuerda.
• Después del sueño (1992), de Mario Camus.
• La sombra del ciprés es alargada (1990), de Luis Alcoriza.
• Galego, (1987) de Manuel Octavio Gómez.
• ¡Biba la banda! (1987), de Ricardo Palacios.
• A la pálida luz de la luna (1985), de José María González-Sinde.
• Café, coca y puro (1984), de Antonio del Real.
• La colmena (1982), de Mario Camus.
• Cristóbal Colón, de oficio... descubridor (1982), de Mariano Ozores.
• La campanada (1979), de Jaime Camino.
• Solos en la madrugada (1978), de José Luis Garci.
• Asignatura pendiente (1977), de José Luis Garci.
• Colorín colorado (1976), de José Luis García Sánchez.
• Las panteras se comen a los ricos (1969), de Tito Fernández.
• Un día es un día (1968), de Francisco Prósper.
• Club de solteros (1967), de Pedro Mario Herrero.

Televisión

• Amar en tiempos revueltos (2011)
• Alfonso, el príncipe maldito (2010)
• 700 euros, diario secreto de una call girl (2008)
• Hospital Central (2006)
• Obsesión (2005)
• Cuéntame como pasó (2003-2004)
• La vida en el aire (1997)
• Hermanos de leche (1994-1995)
• La Regenta (1995), de Fernando Méndez-Leite.
• Tango (1991)
• ¡Señoras y señores! (1974-1975), de Valerio Lazarov.
• Ficciones
  • El maleficio (4 de novembro de 1972)
• Visto para sentencia
  • La segunda perla (16 de agosto de 1971)
• Sospecha
  • La escalada de la Señora Stitch (1971)
  • La paga del policía (1971)
• La tía de Ambrosio (1971)
• Teatro de misterio
  • El sello de lacre (1970)
• Teatro de siempre
  • Intriga y amor (1970)
  • La tejedora de sueños (1970)
  • Los recién casados (1970)
  • Por la fuente, Juana (1970)
  • El misántropo (1970)
  • Los cuervos (1970)
  • Madame Fimiani (1972)
• La risa española
  • Tres piernas de mujer (1969)
  • El premio
  • Unos instantes (1968)
• Hora once
  • La prueba de la fidelidad (1968)
  • Cómo se casó Álvar Fáñez 1970)
  • El viudo Lowell (1971)
  • La falsa amante (1972)
  • Doble error (1974)
• La pequeña comedia
  • El anuncio (1968)
• Las doce caras de Juan
  • Virgo (1967)
• Estudio 1
  • Una doncella francesa (1966)
  • El niño de los Parker (1968)
  • Un paraguas bajo la lluvia (1969)
  • Catalina de Aragón (1969)
  • Los recién casados (1971)
  • No habrá Guerra de Troya (1971)
  • La enemiga (1971)
  • Celos del aire (1971)
  • Los milagros del desprecio (1972)
  • Las flores (1973)
  • El aprendiz de amante (1975)
  • El alma se serena (1975)
• Hermenegildo Pérez, para servirle (1966)
• Historias para no dormir
  • El asfalto (1966)
  • El trasplante (1968)
• Tiempo y hora
  • La casualidad (1966)
• Novela
  • La rima (1966)
  • Contraseña del alba (1966)
  • El sistema Pelegrín (1966)
  • Nosotros, los Rivero (1969)
  • El diablo en la botella (1971)
  • El casamiento (1971)
  • El Conde Fernán González (1971)
  • Luz y conciencia de Borja (1972)
  • Humillados y ofendidos (1973)
  • La feria de las vanidades (1973)
  • Los Dombey (1976) Edith
  • Pequeño teatro (1977)
  • La duquesa de Langeais (1978)

Premios

Medallas do Círculo de Escritores Cinematográficos

Año	Categoría	Película	Resultado
1994	Mellor actriz	Canción de cuna	Gañadora

Vida persoal

Casou co produtor cinematográfico José Luis Tafur Carande, de quen tivo un fillo. Logo de separarse del comezou unha nova relación sentimental co director de cine Fernando Méndez-Leite. Ten dúas netas.

Libros publicados

• Aprobé en Septiembre. Editorial: La Esfera de los Libros. Ano: 2014. ISBN 9788490600160

Véxase tamén

Ligazóns externas

• Perfil en IMDb.
• Fiorella Faltoyano en ¡Señoras y señores! (TVE, 1974)
• Entrevista en La Voz de Galicia (17/02/2008)
• Entrevista en La mañana de La 1 (TVE, 31/03/2011)